أحمد موسى عن ارتفاع أسعار أسطوانة البوتجاز: "ده كفر.. الناس تعمل أيه؟"

انتقد الإعلامي أحمد موسى، ارتفاع أسعار أسطوانة البوتاجاز في بعض المناطق، ووصولها إلى 75 جنيهًا، مضيفًا: "ده كفر، الناس تعمل إيه؟ الأنبوبة بـ8 جنيه توصل لـ75 ليه؟ إيه الجشع ده؟".

وأردف خلال برنامج على مسئوليتي، على قناة صدى البلد: "العيد داخل، واللحمة نار، والأنبوبة غليت، الناس تجيب أنابيب ولا لحمة للعيد ولا مستلزمات المدارس؟ الناس تعمل إيه؟ كل حاجة غليت".

وتابع: "الوضع بصراحة صعب، وموضوع الأنابيب ده لازم يتحل قبل العيد، لازم المسئولين يطلعوا يقولولنا إيه سبب المشكلة".