تعرف على الشاعر الذى ساند "شيرين" بعد هجوم الوسط الفني عليها

ساند الكاتب والشاعر بهاء الدين محمد، الفنانة شيرين عبدالوهاب فى أزمتها بسبب الفيديو المنتشر لها حول إهانة الهضبة وإليسا.

وعلق بهاء الدين على اعتذار شيرين قائلًا: "شيرين أكيد ماتقصدش، وأنا واثق إنها كانت كعادتها مرحه وبتتكلم بتلقائية، واحنا كلنا عارفين إنها طيبة، وهى أذكى من إنها تقصد الغلط؛ لأنها بتحترم عمرو دياب وتقدر تاريخه، وإنه واجهة لينا مشرفة وكلنا بقينا عارفين شيرين الإنسانة والفنانة".

وأضاف بهاء الدين: "ياريت مانقابلش اللى قالته بالسيوف، وكان لازم أوضح وأفكركم ببساطة شيرين، ورغم ذلك اعتذرت، فلازم نبقى على مستوى من الرقى والوعى ومانسبش رد فعلنا يوصل للغلط، وأرجو قبول اعتذارها".