رحل الشاعر الكبير سيد حجاب، عن عالمنا اليوم 25 يناير فى الذكرى السادسة للثورة، عن عمر يناهز 77، ليحجب الموت جسده عن دنيا الأحياء، تاركًا وراءه تراثا كبيرا من أشعاره الثورية بمعناها الحقيقى، مغناه بأصوات وحناجر مصرية، لتترك لنا بصمة خالدة لأشهر تترات مسلسلات شكلت وجدان الشارع المصرى، بل كانوا ينتظرون المسلسلات للاستماع لتتر المقدمة والنهاية الذى يضعه الرائع سيد حجاب بكلماته الشفافه الرقراقة، نسرد منها جزاء نودعه به ونتذكره دومًا كلما سمعنا كلماتها.
1- مسلسل الأيام.. من عتمة الليل النهار راجع، ومهما طال الليل بييجي نهار.
2- مسلسل أبنائى الأعزاء شكرًا.. وهى دنيا ودايره ببابا عبده، وهى عيشه وأيام بيعدوا.
3- مسلسل لا يا ابنتى العزيزة.. مش بتبطل لف الدنيا ولا بتبطل لف، دا اللى يبص لحال الدنيا يضرب كف بكف.
4- مسلسل غوايش.. في الليل وفي التباريح يتلاملموا المجاريح، والغرب يتجاربوا يجفم في وش الريح.
5- مسلسل اللقاء الثاني.. ولما تتلاقى الوشوش مرتين، نفس الوشوش ما بتبقى فى اللقا التانى.
6- مسلسل الشهد والدموع.. تحت نفس الشمس فوق نفس التراب كلنا بنجرى وراء نفس السراب، كلنا من أم واحدة أب واحد دم واحد بس حاسين باغتراب.
7- مسلسل ليلة القبض على فاطمة.. بتغنى لمين ولمين يا حمام، يا ورد على فل وياسمين، يا عود ريحان زان البستان، بغنى للناس الحلوين.
8- مسلسل الوسية.. مين اللى قال الدنيا دى وسية، فيها عبيد مناكيد وفيها السيد سوانا رب الناس سواسية، لا حد فينا يزيد ولا يخس ايد.
9- مسلسل ليالي الحلمية.. منين بيجي الشجن، من اختلاف الزمن ومنين بيجي الهوى، من ائتلاف الهوى ومنين بيجي السواد، من الطمع والعناد ومنين بيجي الرضا، من الإيمان بالقضا.
10- مسلسل بوابة الحلوانى.. بندق ندق بوابة الحياة بالإيدين قومى قومى، قومى افتحى لولادك الطيبين قومى، اللى بنى بنى مصر كان فى الأصل حلوانى وعشان كده مصر يا ولاد حلوة الحلوين.
11- مسلسل المال والبنون.. قالوا زمان دنيا غنية وغروره، قلنا واللي تغره يخسر مصيره، قالوا الشيطان قادر وليه ألف صورة، قلنا ما يقدر على اللى خيره لغيره.
12- مسلسل مين اللى ميحبش فاطمة.. بين ريح وأمواج متلاطمة، واسود غطيس واصفر رنان، بين غربتك فى ديار أهلك وغربتك فى بلاد الله.
13- مسلسل أرابيسك.. وينفلت من بين إدينا الزمان، كإنه سحبه قوس فى أوتار كمان، وتنفرط الأيام عود كهرمان، يتفرفط النور والحنان والأمان.
14- مسلسل الليل وأخره.. يا بوى ع الليل وآخرة لما أن تصحى جروحى، حمل وما جادرش أتَاخرُه عنى وع تِوجّ روحى.
15- مسلسل أوبرا عايدة.. اسم الشهرة سيد أوبرا، فن الأوبرا هوايته الكبرى، والمهنة إنسان أفوكاتو، المحاماة والأوبــرا حياته.
16- مسلسل كناريا وشركاه.. دي دمعة من قلبى على الخد جارية، ولا دي بسمة، نسمة في مسامّي سارية.
17- مسلسل أميرة فى عابدين.. ياللى اكتشفت إن أنت عشت في خداع، وإنّ ماضى العمر ع الفاضي ضاع، إياك تقول ملّيت يا دنيا وداع. ليل الجراح راح والصباح بعدين وكلنا شاهدين.
18- مسلسل حلم الجنوبى.. ولاحد من الهم خالى، حتى الَقمر فى العلالى، حتى أما دهرى سخَى لى، ما فارقش همى الوريد.
19- مسلسل هوانم جادن سيتى.. ياروايح الزمن الجميل بكرة جاى، جاى في عيونه ضحكة، ضحكة وفي قلبه ناى.
20- مسلسل الحقيقة والسراب.. وبعدهالك مالك ومالنا، يادنيا حالك فوق احتمالنا، ولا صنتي مالنا ولا جمالنا، بس إحنا لسة حاضنين آمالنا.
تابعوا آخر أهل مصر على Google News
