تداول رواد موقع التواصل الإجتماعي "فيسبوك"، صورة للفنان تامر حسني منذ التسعينات والتي ظهر فيها باستايل غريب من نوعه مقارنة به اليوم، والتى لاقت تعلقيات ساخره علي تلك الصورة.
ورد تامر حسنى، عبر حسابه الرسمي علي "الفيسبوك"، اليوم الاثنين علي جميع التعليقات الساخرة، قائلًا: "لمن يهمه الأمر، من يومين نزلت صورة ليا وأنا صغير وشغلت ناس كتير وفضلوا يتريقوا على الصورة في الحقيقة إني في الوقت ده فعلا كنت بحاول أقلد المشاهير في صورهم وأفلامهم وحركاتهم وبغض النظر عن أن في الوقت ده كانت الموضة شبه كده وأنا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده أب يشتريله حاجه أصلا".
وأضاف: "اللي عايز أقوله إني من يوم الصوره دي وأنا حالف إني أتصورها بجد وأنا مشهور الصورة دي بتثبت لأي شاب إيجابي أن مفيش مستحيل واللي عايز يتريق على الولد اللي فى الصورة هقوله يارب تنجح زيه أنا فخور بالصوره دي والنهارده بقول للولد الصغير ده أنت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على أهلك من وأنت فالسن ده شكرًا يا ولد يا صغير إصرارك عمل مني راجل إنسان فنان اسمه تامر حسني".
تابعوا آخر أهل مصر على Google News
