وجه مرتضى منصور رئيس نادي الزمالك، رسالة إلى أيمن منصور، نجم نادي الزمالك، قائلا، "أيمن منصور هو من قام بزيارتي في مارينا، وأنا عتابي عليك يا أيمن لأنك جيت وقولتلي هشتغل مدير كرة وفاروق جعفر كان قاعد".
أضاف، "حضرتك بتعتذر عن إيه، دي كلها كانت ترشيحات وأنت كنت في الغردقة وجيتلي مارينا يعني أكتر من 500 كيلو، عيب إنك تطلع بيان وتعتذر، عاوز تعتذر طلع التليفون وبلغ رئيس النادي اللي أنت روحتله وقولت عاوز أشتغل".
واصل، "أنت عملت نفس اللي عمله عبدالحليم علي جه قعد معايا وقالي هشتغل مدير كرة وأول ما مشي راح طلع بيان قال أنا بعتذر.
أردف، "انسوا الكلام ده يحصل طول منا رئيس نادي، وطول منا رئيس النادي أنسوا إنكوا تيجو إنتوا الاتنين، عاوز تعتذر حقك لكن تيجي تعود معايا وأول ماتمشي تقول بعتذر علشان تعمل عنتر قدام قطر والواد الحرامي الأقرع اللي طلع مع إبراهيم فايق عمال يعيط".
تابعوا آخر أهل مصر على Google News
