ريم البارودي: "سمية الخشاب مش نجمة ولا عمرها كانت صاحبتي"

هاجمت الفنانة ريم البارودي، الفنانة سمية الخشاب، قائلة: "ديه مش نجمة خالص، السوق اللي بيحكم ويقول مين نجم ومين مش نجم، النجومية هي إنك تحافظي عليها زي عادل إمام وعمرو دياب ومنى زكي وغادة عبد الرازق".

ونفت البارودي خلال استضافتها ببرنامج "تفاعلكم"، عبر فضائية "العربية"، مع ذكر عن أنها صديقة لـ"سمية"، موضحةً: "أنا ماقولتش كده خالص لأن لا سنًا ولا تعليمًا ولا تربيةً ولا أي حاجة تجمعنا عشان نبقى صحاب"، مضيفة: "لازم الصحاب يكونوا متقاربين في كل حاجة، لكن معلش يعني دي مادخلتش المدارس اللي أنا دخلتها، ومش نفس الكلية، ومش نفس الطريقة، وأنا صاحبتي لازم تبقى شبهي".

وأكدت أنها حذفت صورها مع خطيبها السابق الفنان أحمد سعد، من على حسابها على "إنستجرام"، استجابةً لمتابعيها، ولكونه متزوج حاليًا من الفنانة سُمية الخشاب، موضحة: "مسحتها عشان مايصحش يعني.. لكنها عمرها ما هتتمسح من جوجل".