سما المصري بعد حبس ريهام سعيد: "اللهم لا تؤاخذنا بما فعل السفهاء منا"

علقت الفنانة سما المصري على حبس الإعلامية ريهام سعيد 4 أيام على ذمة التحقيقات في قضية خطف الأطفال.

وقالت سما في بيان لها: "اللهم لا تؤاخذنا بما فعل السفهاء منا ولا تسلط علينا بذنوبنا من لا يخافك ولا يرحمنا يااارب".

وأضافت: "أنا مش شمتانه انا بس حبيت أوريكم ان البلد دي فيها قانون وانا سبق وطرحت الموضوع دا قبل كده عليكم وأنتم ماصدقتوش ومحدش هان عليه يقول كلمه حق ويقول ان الست دي غلطانه وبتتاجر بأمراض الناس".

وتابعت: "الإعلام بتاعنا بقي يتاجر للأسف بكل حاجه حتي بدم أطفالنا وسمعه ستات مصر، ستات مصر يا أستاذه ريهام مش اللي انتي بتجبيهم عندك في البرنامج، هم مش دواعر ولا بتخون جوزها ولا لابساها عفريت ولا عنيها بتجيب دم ولا ملحده ولا عندها صرع ولا ليها صور مش حلوه مع شاب ذي فتاه المول، ستات مصر أنضف من كده بكتير أوي ومحدش عارف اللي حصلك دا ذنب مين ولا مين".

واستطردت: "ربنا ينجيكي بأه لو كنتي مظلومه وينتقم منك لو كنتي ظلمتي حد، فضيحه الولايا مش سهله وربنا منتقم جبار وأتمني أنك تطلعي مظلومه من القضيه دي لانها مش سهله ولو جربتي حرقه دم الأمهات علي عيالها اللي بتتخطف ماكنتيش فكرتي تعملي سبق صحفي عن الموضوع دا وتخلي واحد بجد يخطف عيال الناس، خلوا بالكم من عيالكم والأهم تخلوا بالكم من الإعلام بتاعتنا لان معظمه بقي شمال والنضيف منه بيخاف يقول الحقيقه عشان المصالح وعشان العلاقات وعشان حاجات كتير أوي بس البلد دي فيها قانون قادر يجيب حق الغلبان، الغلبان في البلد دي ملهوش غير ربنا والقانون، اللهم لا شماته".