شقيق شاب الفيوم ضحية عصام صاصا: الكاميرات جايباه بيرقص بالعربية

حالة من الحزن الشديد تتدفق من عيون أم ضحية مطرب المهرجانات عصام صاصا، خلال لقاء معها مع موقع «أهل مصر».

وقالت أم الضحية والدموع تنهمر من عينيها: «عايزين حقه يتعمل فيه زي ما عمل مع أخويا والقصاص ويحرق قلب أسرته عليه زي ما اتحرق قلبنا حرق قلبنا عليه وحرمنا منه وحياتنا اتدمرت كان هو اللي بيجري على أهله كلهم مش هنسيب حقه وعارفين إن القضاء عادل وهيجيبله حقه».

أسرة ضحية مطرب المهرجانات عصام صاصا

وأضافت أم الضحية أحمد مفتاح: «أخو عصام صاصا كان بيكلمنا بكبرياء أمام المستشفى وهو مش همه وبيقول لابني انت أخو اللي دهسه أخي؟»

شقيق الضحية مش هتنازل عن حقه

وأكد شقيق ضحية مطرب المهرجانات حق أخويا مش هتنازل عنه أخويا مضروب على رصيف الطريق كان واقف منتظر عربية الشغل مش بيعدي الطريق زي ما المتهم ما بيقول والكاميرات جايبة كل حاجة كان سايق العربية وبيرقص بيها والكاميرات جايباه دهس أخويا معرفتوش لما شوفته من اللي عمله فيه.

شقيق ضحية مطرب المهرجانات عصام صاصا

عايزين نتنازل وناخد فلوس

وأشار شقيق الضحية بان مطرب المهرجانات عصام صاصا بعتلنا ناس تتفاوض معانا بالفلوس قولتلهم مش هتنازل عن حق أخويا

أخويا الكل يشهدله بالشهامة والرجولة.

نجل ضحية مطرب المهرجانات عصام صاصا

تشيع جنازة ضحية مطرب شعبي

شيع المئات من أهالي قرية خليل الجندي التابعة لقرية الغرق بمركز إطسا بمحافظة الفيوم، ليلة أمس، جثمان الشاب 'أحمد مفتاح' والذي لقي مصرعه دهسًا تحت عجلات سيارة مطرب المهرجانات عصام صاصا لدى مروره من أعلى الطريق الدائري، بنطاق دائرة قسم شرطة الطالبية في الجيزة.

وأدى المئات من أهالي القرية والقرى المجاورة صلاة الجنازة على جثمان الشاب الضحية في الساحة الكبيرة أمام مدافن القرية وسط انهيار زوجة الضحية وأبنائه الأطفال على فقدانه.

نجلة ضحية مطرب المهرجانات عصام صاصا

مصرع شخص دهسه عصام صاصا مطرب المهرجانات بسيارته

وتعود تفاصيل الواقعة عندما لقي الشاب 'أحمد مفتاح' مصرعه تحت عجلات سيارة مطرب المهرجانات عصام صاصا بطريق الدائري، بنطاق دائرة قسم شرطة الطالبية في الجيزة، صباح اليوم، في أثناء عبوره الطريق متجهًا لعمله.

وقال نجل عم الشاب «أحمد» ضحية الدهس على يد مطرب المهرجانات، إنه كان يعمل سائقًا بإحدى الشركات، وقبل يومين كان في قريته بالفيوم لأداء واجب العزاء في وفاة أحد الأقارب.

وأضاف خال الشاب ضحية مطرب المهرجانات عصام صاصا، إن خاله قعيد وأحضر له كرسي منذ عدة أيام، ولديه 4 أطفال'، مضيفًا: 'الناس كلها حزينة عليه، وكان محبوب من الجميع.

وقال نجل شقيقة الضحية: «ولاده الأربعة اتيتموا، وكان محبوب ويراعي الصغير والكبير»، مطالبًا بحقه بعد تسبب المطرب المتهم في دمار أسرة كاملة.

مطرب المهرجانات عصام صاصا

اعترفات عصام صاصا

في حادث دهس الشاب «أحمد مفتاح» ابن محافظة الفيوم: «أنا كنت رايح أدبح عجل عشان عقيقة ابني أنا خلفت والعقيقة يوم الخميس المقبل، وفي الحادثة كان معايا 2 من أصدقائي واحد قاعد جنبي والتاني في الكنبة الخلفية، والمجني عليه ظهر فجأة قدامي في لحظة وخبط في زجاج السيارة، وصاحبي اللي كان قاعد جنبي أصيب بشدة، ومرضتش أهرب وحاولت إنقاذه لكن لقيته بيطلّع في الروح وتُوفي في ثواني».

وكانت الأجهزة الأمنية بمديرية أمن الجيزة، ألقت القبض على مطرب المهرجانات الشعبي عصام صاصا، بتهمة دهس شخص أعلى دائري المنيب، عقب تلقي إخطار من مستشفى الهرم بوصول جثة هامدة لشخص جراء حادث تصادم أعلى الطريق الدائري، وعلى الفور تم اتخاذ الإجراءات اللازمة.

وبالانتقال والفحص تبين مصرع شخص نتيجة تعرضه لحادث تصادم سيارة ملاكي، وجرى نقل الجثة إلى مشرحة المستشفى وتحرر محضر بالواقعة وتولت النيابة العامة التحقيق.