عمرو أديب عن شكوى المصريين العالقين: اللي مش عاجبه ميجيش

علق الإعلامي عمرو أديب علي أزمة العالقين المصريين العائدين من الدفعات الاولي والثانية لمصر بعد شكواهم من الأماكن التي تقرر نزولهم فيها من مدن جامعية ونزل الشباب ورفضهم لها قائلا: "بنشوف فيديوهات وتروح للجزيرة عن بعض الناس اللي رجعوا بيقولوا إيه المكان المقرف اللي منزلنا فيه ده.. أنا بقولكم مترجعوش واللي مش عاجبه ميجيش منكم".

وأضاف موجهًا حديثه للعالقين: "إنتوا راجعين علي سويسرا الوضع صعب في مصر لولا الملامة كنت خليتكم ترجعوا في الطيارة اللي جابتكم، كان نفسنا نعمل أفضل من كده لكن الوضع صعب مش هينفع نجيب واي فاي، وسراير حرير، اللي مش عاجبه ميجيش، وملحنقاش نجيب قصور ليكم وكنت خليتكم هناك بقي وأنا فاكر ساعة المظاهرة في المطار، وكسروا الأبواب وما اتكلمناش في الكويت".

وتابع: "استحملوا معانا شوية والبلد لا تتحدث عن الازمة الاقتصادية، ولكن فيه خطة كاملة لكل الأماكن في مصر تفتح إزاي".