ياسمين صبري تهاجم رامز جلال بسبب أحمد أبو هشيمة

أعرب الفنانة ياسمين صبري، عن غضبها بسبب حلقتها في برنامج "رامز مجنون رسمي"، للفنان رامز جلال التي عُرضت في ثالث أيام شهر رمضان.

وقالت ياسمين صبري أثناء لقاءها مع موقع ET بالعربي: "أنا وقت الحلقة زي الجمهور، اتفاجئت بحاجة غريبة مش لاقيالها تفسير لحد دلوقتي، وهي أن البرنامج اجتزأ إجابتي على سؤال بتحبي إيه في أحمد أبو هشيمة وسامته ولا جدعنته".

وتابعت : "الحقيقة إني جاوبت وقلت بحب فيه كل حاجة يعنى ناجح وواثق من نفسه وطموح وشخصيته قوية حتى قلت إنه من وجهة نظري هو سيد الرجالة، وإن إحنا بنتمرن مع بعض كتير في الجيم وفى حاجات كتير بينا مشتركة وأن هو بيضحكني".

وأكملت ياسمين : "اتفاجأت في الحلقة وأنا بتفرج أن رامز والبرنامج قرر ياخد الجزء الأخير بس من إجابتي فأنا استغربت جدا أنا مفهمتش إيه الفكرة، إن إجابتي تتقص وتتاخد دى بس وقلت وبيضحكني، حتى والواو اتشالت".

يشار إلى ياسمين صبري تخوض سباق مسلسلات رمضان 2020 بمسلسل "فرصة ثانية" بطولة أحمد مجدي، أيتن عامر، إدوارد، دياب، أشرف زكي، هبة عبدالغني، ابتهال الصريطي، تأليف مصطفى جمال هاشم، إخراج مرقس عادل، وإنتاج شركة سينرجى.