المشرف العام على التحرير داليا عماد

محاكم الأسرة في أسبوع.. منال: "اتجوز صاحبتى وسافروا الكويت وسابني معلقة".. صفاء: "مش بيستحمى ولا حتى بعد العلاقة الزوجية"

أهل مصر
لمياء تصرخ من داخل محكمة الأسرة " بيعمل علاقات جنسية على النت"
لمياء تصرخ من داخل محكمة الأسرة " بيعمل علاقات جنسية على النت"

شهدت محاكم الأسرة العديد من قضايا الخلع والطلاق وغيرها خلال هذا الأسبوع، باختلاف الأسباب والدوافع، أبطال هذه القصص أشخاصون عاديون، ولكن كتب لهم القدر أن تسجل أسماؤهم فى سجلات القضاء.

وترصد " أهل مصر " أغرب القضايا التى طرأت على محكمة هذا الأسبوع.

منال: "اتجوز صحبتى وسافروا الكويت وسابني معلقة"

لم تتخيل منال أن الخيانة تأتى من أقرب الناس إليها، وهما زوجها، وصديقتها التى أدخلتها بيتها وأخبرتها عن كل أسرار حياتها الخاصة لتكتشف أنها أقامت علاقة عاطفية مع زوجها، وتزوجا وسافرا إلى الكويت سويا دون أن تعلم، مما جعلها تقف داخل جدران محكمة الأسرة لرفع دعوى خلع ضد زوجها بعد ٣ سنوات من الزواج مبررة ذلك بقولها: "منهم لله دمروا حياتى، فقدت الثقة في كل الناس، كنت بعتبرها أختى وصحبتى وعرفتها على جوزى، اللى كنت بثق فيه ثفة عمياء، لكن غدورا بيا بكل سهولة".

هند: "خنقني بالإيشارب كان هيطلع روحى عشان طلبت اكشف على ابني"

"مرتبه كويس جدا وبيقبض فلوس كويسة لكن كله بيصرفه على نفسه وعلى الشرب والسهرات، ويدوب يسيب ملاليم للبيت، ولا مهتم بطلبات ابنه ولا أى حاجة، وبكمل مصروف البيت من والدتى، بتساعدنى من غير ما حد يعرف، لكن فى مرة طفح بي الكيل وطلبت منه أن ينزل يكشف لابنه، ويدفع فلوس الكشف والعلاج ، راح اتخانق معايا وخنقنى بالإيشارب كان هيموتنى لولا الجيران أنقذونى لما سمعوا صريخى".. بهذه الكلمات شكت هند زوجها وهى داخل محكمة الأسرة لرفع دعوى خلع من زوجها بعد عامين ونصف من الزواج مبررة استحالة العشرة معه.

صفاء: "مش بيستحمى ولا حتى بعد العلاقة الزوجية"

بجد قرفت منه، إنسان مش بيهتم بنظافته الشخصية، يقعد بالشهرين مش بيستحمى حتى العلاقة الزوجية مش بيغتسل، ومهما حاولت معاه بيرفض حاجة مقززة دا أنا من يوم ما اتجوزته وهو مش بيغسل سنانه، اشتريت ليه معجون وسواك ولا حياة لمن تنادى لحد ما وصلت انى قرفانه من وجوده معايا فى شقة واحدة".. بهذه الكلمات شكت صفاء زوجها داخل محكمة الأسرة لرفع دعوى خلع من زوجها بعد عامين ونصف من الزواج مبررة استحالة العشرة معه.

هدى: "غلطت معاه واحنا مخطوبين وبعد الزواج ذلني وفضحني"

"غلطتى من البداية لما ضعفت ووثقت فيه وسلمته نفسي قبل الفرح بشهر وكنا لسة مخطوبين، وحصلت بينا علاقة كاملة، وأقسم ان دا هيبقي سر بينا ومحدش هيعرفه واتجوزنا، لكن من بعد الزواج اتغير فى المعاملة معايا وكل شوية يعايرنى انى كنت رخيصة وسلمت نفسي، لدرجة فى خناقة قدام أهله قال والكل عرف وبقيت عايشة فى ذل بينهم لحد ما كرهت حياتى وحاولت الانتحار قبل كدا لكن مقدرتش".. بهذه الكلمات شكت هدى زوجها أمام محكمة الأسرة أثناء نظر دعوى الخلع من زوجها بعد عامين ونصف من الزواج مبررة استحالة العشرة معه بعد أن كشف سترها أمام أهله.

ولاء: "طول الوقت مشغل أفلام إباحية في الشقة وقدام بناتي"

"أنا اتطلقت من جوزى الأول وكان معايا بنتين منه، لأنه كان كاره خلفة البنات ورفض يصرف علينا، ولما لقيت دا اتقدم لى قولت يحمينى أنا وبناتى خاصة انه وافق ان البنات تعيش معانا، لكن للأسف طلع مدمن أفلام إباحية على اللاب توب والموبايل ومش فارق معاه مين قاعد، وأنا بناتى فى سن 10، 12 سنة لدرجة انهم شافوه وهو مشغل فى الصالة أفلام، وطلبت منه يبطل عشان فيه بنات فى البيت قال لى بيتى وأنا حر فيه".. بهذه الكلمات شكت ولاء زوجها الثانى أمام محكمة الأسرة بعد عام ونصف من الزواج مبررة استحالة العشرة معه.

سمر:" ضربني لحد ما أجهضت وشلت الرحم"

لم تتخيل سمر أن حياتها الزوجية بعد عام ونصف فقط من الزواج تتحول إلى حجيم وتسود الدنيا فى وجهها بسبب شك زوجها أنها تقوم بخيانته لتتحرم من طفلها القادم ومن نعمة الأمومة للأبد بعد أن تم أستئصال الرحم مما جعلها تقف داخل محكمة الأسرة لرفع دعوى طلاق للضرر ضد زوجها مبررة استحالة العشرة معه.

إحصاءات فيروس كورونا حول العالم (تحدث لحظيا)
مصر
المصابون
المتعافون
الوفيات
العالم
المصابون
المتعافون
الوفيات

Instance ID Token

Needs Permission