المشرف العام على التحرير داليا عماد
اعلان

ليلى أحمد زاهر توجه الشكر لفريق عمل مسلسل الفتوة.. ووالدها معلقاً: "انا كنت غلطان إني منعتك عن التمثيل" (صور)

أهل مصر
ليلى أحمد زاهر في مسلسل الفتوة
ليلى أحمد زاهر في مسلسل الفتوة
اعلان

وجهت الفنانة الشابة ليلى أحمد زاهر، رسالة شكر إلى فريق عمل مسلسل الفتوة للنجم ياسر جلال، التي عادت من خلاله للتمثيل، وتألقت فيه، ونشر ليلى زاهر مجموعة صور من كواليس مسلسل الفتوة، عبر حسابها الشخصي بموقع تبادل الصور والفيديوهات الشهير إنستجرام.

وعلقت على الصور قائلة: "بعد اخر حلقة من مسلسل الفتوة عايزة أشكر اصحاب الفضل بعد ربنا سبحانه و تعالى، شكرًا انكل ياسر جلال انك وثقت فيا و اديتنى الفرصة الكبيرة دي و بجد اتعلمت من حضرتك حجات كتير و حضرتك بجد ابويا التاني، شكراً استاذ حسين المنباوي لدعمك المستمر ليا و لثقتك فيا و ايمانك بيا و اتعلمت من حضرتك حاجات كتير، شكراً استاذ محمود حافظ لدعمك ليا المستمر".

وتابعت: "شكراً مي عمر علي تشجيعك ليا و كل حاجة بجد مهمًا قلت مش هيوصف بحبك ازاي، شكراً استاذ احمد صلاح حسني علي كل حاجة و علي حبك ليا و تشجيعك ليا بجد، شكرًا مها نصار علي احتوائك ليا و دعمك المستمر اتعلمت منك حجات كتير بجد بحبك قوي، شكرًا استاذ احمد خالد صالح علي وقفتك جمبي و انك علي طول بتديني ف طاقة إجابية و دعمك المستمر، شكرًا استاذة انعام سالوسة حضرتك استاذة عظيمة و اتعلمت من حضرتك حجات كتير قوي، شكرًا استاذة احلام الجرتلي لتشجيعك ليا و حبك ليا و حضرتك استاذة عظيمة ، شكراً محمود ياسين استمتعت جداً بالشغل معاك و ان شاءلله نشتغل مع بعض تاني، شكراً هنادي مهنا علي كل الطاقة الإجابية الي ٢٤ ساعة موجودة في اللوكيشن بحبك حب مش طبيعي من زمان انتي عارفه ، شكرًا استاذة نجلاء بدر علي تدعيمك ليا، شكراً أستاذ احمد خليل حضرتك عظيم و حقيقي علمتني حاجات كبيرة قوي، شكرًا استاذ رياض الخولي علي نصايحك الي عمري ماهنساها".

وأختتمت رسالتها: "أخيرًا عايزة اشكر امي الي مكانتش بتسبني لحظة شكراً علي كل حاجة لولاكي مكنتش نجحت كدة بحبك قوي و مهمًا قلت مشهيديكي حقك تعبتي معايا و اسفه علي دماغي الناشفة بحبك، شكرًا بابا علي نصايحك الي عمرها مفارقت بالي، شكرا شركة سينرجي شكراً استاذ تامر مرسي شكراً استاذ فتحي اسماعيل شكراً استاذ حسام شوقي، شكرا كريم منصور لدعمك المستمر بجد،شكرًا ليكم كلكم".

وعلق أحمد زاهر والد ليلى على منشورها قائلاً: "مبروك يا حبيبه قلبي يا روح قلبي علي النجاح العظيم اللي انتي حققتيه بجد انا كنت غلطان إني منعتك عن التمثيل انتي بجد موهوبه بشهاده الجميع و رفعتي راسي و شرفتيني ... انا فخور بيكي يا قلبي".

إقرأ أيضاً:
اعلان
عاجل
عاجل
ترامب يستنجد بحاكم ولاية جورجيا: "افعل شيء ما"