برلماني: "3 وزارات داخلية متعرفش تأمن ماتشات الكورة"

قال النائب ثروت سويلم، المدير التنفيذى بإتحاد الكرة، عضو لجنة الشباب والرياضة، إن أحداث شعب الألتراس التى وقعت بالنادى الأهلى منذ أيام ليست بسبب تأخر الأمن، مضيفا " مفيش حاجه اسمها إنى كنادى بخطر مديرية أمن القاهرة بتدريباتي، دى مش عزبة".

وأضاف، خلال اجتماع لجنة الشباب والرياضة بالبرلمان لمناقشة أزمة اقتحام الاولتراس لتدريبات النادى الاهلى، اليوم الاثنين، " الأهلى بيتدرب مرتين فى اليوم، ومش ممكن كل تدريب، نجيب 200 عسكرى و50 ضابط يأمنوا، البلد مش مستحملة".

وتابع " مهما تفتح حوار مع الألتراس  هما برضوا هيفضلوا كدا" قائلا:" عاوز أقول حاجه مهمة، إن اللواء مجدى عبد الغفار وزير الداخلية، قرر توزيع 3 آلاف وجبة عليهم بأحد الماتشات، وبالرغم من كده أول ما الماتش بدأ، شتموا الداخلية بردو، عندهم عداء مع الأمن، ولو جبنا 3 وزارات داخلية مش هنعرف نأمن بالشكل الكافى، بدون قانون صارم".