عضو بـ"محلية" البرلمان عن "كارثة رشيد": "بتكلبشوا الناجين ليه؟.. ده موت وخراب ديار"

طالب النائب محمد الحسينى، عضو لجنة الإدارة المحلية، الحكومة بتحمل مسئوليتها تجاه أزمة غرقى مركب رشيد غير الشرعى، قائلا: "حلّي المشكلة يا حكومة".

وأضاف الحسيني، في تصريحات خاصة لـ"أهل مصر": "ده موت وخراب ديار، الله يكون فى عون أهاليهم، واحد غريق وربنا كرمه ونجا بتكلبش أيده فى السرير ليه؟، هو كان رايح يشترى بانحو أو مخدرات؟، أين روح القانون حتى لو هيتحاسب؟".

وتابع: "أنا والبرلمان وجميعا نتحمل المسئولية، والمجلس إجازة وهيرجع يوم ٤ أكتوبر، ولازم يبقى فيه حل للمشكلة فى ظل الظروف اللى ألمت بالشعب المصرى كله، ولازم نمنع الجريمة قبل وقوعها".

وشدد على أن مشروع قانون الهجرة غير الشرعية أصبح من أهم أولويات حماية المواطنين: "الشباب اللى مش واخدين بالهم من خطورة الهجرة.. القانون لازم يفهمهم".