اعلان
اعلان

فتاة تروي تفاصيل "خطبتها" لشاب عرفته من "السوشيال ميديا"

صورة أرشيفية
كتب :

تداول رواد مواقع التواصل الاجتماعي صورة تجمع شاب وفتاة، دارت بينهم قصة حب على مواقع التواصل الاجتماعي، ثم تطور الأمر حتى تمت خطبتهما.

وقالت الفتاة :" إحنـا عرفنا بعض من عالسوشايل ميديا، وفضلنا فترة وبعدها حصل إعجاب بينا لحد ما اعترفلي، وقالي أنا عاوز اتقدملك، ومش هسيبك هلبسك دبلتي، متخافيش مني أنا شوفت فيكي خلاص مستقبلي وعيالي، بوعدك، ارتباطنا فترة عشان نعرف بعض أكتر ماقاليش بحبك غير لما اتقدملي، كان بيكلمنى في التليفون كل كام يوم، وبابا دخل المستشفى قعد فترة فيها كان أول ما بابا طلع كان هيتقدم لكن للأسف بابا تعب تانى، وقعد فترة أطول فضلنا مع بعض فترة لحد ما بابا خرج تانى واتقدم بعدها بأسبوع فضلنا سنة وكام شهر مرتبطين ما شوفتوش غير مرة واحدة بس ومامسكش ايدى قالى زى ما انا بحترمك هحترم تربية اهلك ليكى وهخاف عليكى اكتر من نفسى، اتقدملى يوم الفلانتين قالى دى احلى هدية ممكن اقدمهالك فـي يوم زى دة مع كلمة بحبك .. اهلى كانو عارفين ووافقوا علية من اول مرة .. اتخاطبنا وحصلت مشاكل كتير بينا زى ما بيحصل بين اى اتنين كنت بزعل منة كان بيجيلى البيت و فـي أيده الحلويات اللى بحبها ويصالحنى بيقولى حتى لو انتى اللى مزعلانى هصالحك عشان انتى بنتى".

وأضافت :" فجأة حصلت اكبر مصيبة فـي حياتى بابا توفى قدام عينى، كانت اصعب ايام بمر بيها وقف جنبى قالى مش هسيبك انا ابوكى شوفينى فية ومش هسيبك هكونلك اب يحميكى وياخدلك حقك من اى حد حتى منى .. انا سندك وضهرك، واقف جنب ماما كأنه ابنها بالظبط وجنب اختى كأنة ابوها واخوها بيعملها اللى تطلبة قبل منى ساعات بقعد لوحدى واتكسر بموت بابا بلاقية فـ ساعتها حاسس بيا ويكلمنى ويجيلى البيت يهون عليا ويخرجنى ويفسحنى ونتصور واروح مبسوطة بسببة".

وتابعت :"دايما بيقولى انا عايش عشان افرحك وابسطك بس لو غصب عنى زعلتك دى ضغوط عليا مش اكتر ومش هسمح لنفسى انك تعيطى فـي يوم بسببى او بسبب حد تانى ومش هتجوز غيرك فـ الدنيا انتى الاربعة وهتفضلى رفيقتى حتى الجنة، هفضل احبة واتكلم عنة لحد اخر يوم فـي عمرى قدام كل العالم عشان انا وهو شوفنا كتير فـي حياتنا ولما اتجمعنا سوا كسرنا كل حاجة وحشة حصلتلنا وبنكسر اى حاجة ممكن تحبطنا او تهدنا فـي يوم، ببساطة احنا قوة لبعض استحالة تضعف في ـيوم".

إقرأ أيضاً
WhatsApp
Telegram
إقرأ أيضاً
عاجل
عاجل
إصابة نجل فؤاد المهندس إثر حريق بشقته في الزمالك