شاهد.. مدرسة بـ"الشرقية" تجبر الفتيات على ارتداء الحجاب و"اللي ترفض مش محترمة"

تداول نشطاء على موقع التواصل الإجتماعى "فيس بوك" واقعة جديدة بمدرسة كفر الأشراف الإعدادية المشتركة التابعة لادارة غرب التعليمية بالشرقية حيث يتم إجبار الفتيات على ارتداء الحجاب.

وقالت ولي أمر طالبة بالمدرسة، إن ابنتها "رحمة سالم حمدي " بالصف التاني الإعدادى تتعرض للعنف والاضطهاد من قبل مدرسى المدرسة ومديرتها لإجبارها على ارتداء الحجاب.

وأضافت "من السنة اللي فاتت وانا بهاتي لدرجة إن بنتي بسبب إنها مش متعودة علي الطرحة، استأذنت المدرسات تقلعها في الحصص علشان تفهم، أنا زهقت وتعبت وبنتي كل يوم ترجع تقولي ياماما أنا تعبت والله ياماما مابفهم حاجه ولماا حليت حل وسطي بإني جيبتلها كاب أبيض قالولي ماينفعش لأن كدا هي مميزه أكتر، وحتي المسيحيات بيلبسو غصب عنهم، هتعمليلنا انتي مشاكل".

وتابعت الأم، "أصبحت البنت مضطهده في المدرسة، ولما حاولت أتقدم بشكوي في الإدارة لاقيت واحدة ست بتقولي هو انتي مش عايزه بنتك تبقي محترمة ولا إيه".