بدأ نشطاء موقع التواصل الاجتماعى فى تدشين هاشتاج "ادعموا يوسف"، وهو طالب بمدرسة إشارقة الغد، تعاقبه المشرفة الخاصة به بالطرد من الفصل واستهزاء زملائه به.
وقالت والدة الطالب عبر الحساب الشخصى لها على موقع التواصل الإجتماعى: "مش عارفة ابتدى منين لأول مرة أحس بالعجز وأنى مقدرش أكتب حكاية.. الحكاية دى حكاية يوسف ابنى.. دخل مدرسة إشراقة الغد السنة دىKG2 المديرة كلمتنى بعد أسبوع ولمحت ان ابنى ربما يكون مريض عقلى او بالتحديد متوحد. سمعتها للأخر ورحت لها أنا ووالده تانى يوم الكلام اتغير ان ابنك طفل ذكى جدا بس بيعمل تصرفات غريبة شوية، طالبتنا انه يروح لدكتور نفسى ويكتب لها تقرير وكمان عايزين shadow teacher".
وتابعت: "إدارة المدرسة بتقول إن يوسف طفل عنيف بيضرب زمايله، وسلوكه مش تمام. كنت حاسة انهم بيكلموا عن طفل تانى، يقينى ان في حاجة غلط، طلبنا والده وأنا نشوف الولد من خلال الكاميرات في الفصل، قالوا ممنوع، طالبنا نقرا تقرير الأخصائية النفسية قالوا ممنوع كل حاجة مقفولة عننا، ابنى ساكت بس مش سعيد".
واستكملت والدة الطالب: "التقرير راح للمدرسة، واعتبرنا الموضوع انتهى بس القصة لسة طويلة.. باختصار ابتدت مدرسة الفصل تعامل يوسف معاملة قاسية مثلا في مرة طلبت من الأطفال ميردوش على يوسف لو كلمهم، الأطفال اتخضوا وراحو حكوا لأهليهم.. لكن للأسف ابنى مبيحكيش وعرفت القصة من أمهات زمايله.. امبارح عرفت ان مدرسة الفصل بتعاقبه اشد عقاب علشان هو طفل حركى حرمان من نزول الفسحة، طرد من الفصل، بتخلى زمايله يتريقوا عليه ويقولوا له يا "بيبي".
وأشارت والدة الطالب إلى أنها قامت بعمل شكوى رسمية عن طريق موقع مجلس الوزراء قائلة: "ومعاياه شهود من الأطفال عن وقائع كسر ابنى وتحطيمه نفسيا".
تابعوا آخر أهل مصر على Google News
