في جولة لكاميرا "أهل مصر" للتعرف على آراء المواطنين قال أحد المواطنين "أنا راجل قصاص بشتغل على المقص بس الجو مريح والتوب اللي كان عامل 220 جنيه بقى 450 دلوقتي وكان الزبون بيجيب بالعشر أتواب كل يوم أصبح الآن توب واحد أو توبين مفيش شغل والجو مريح والحاجات مولعة نار ومفيش رقابة في البلد".
وحينما سألناه ماذا توجه للرئيس قال : "يتقي ربنا فينا ونعرف نعيش إحنا مش عارفين نعيش خالص يعني دلوقتي الـ100 جنيه مبقتش تجيب حاجة خالص، نفك الـ100 جنيه كأنها 10 جنيه مش جايبة حاجة خالص".
وأضاف "كنت بدفع ميه علينا 28 ألف جنيه ميه في أقل من سنة ومفيش حد قادر يدفع أنا كنت بدفع 7 جنيه كل شهرين دلوقتي بقوا 200 جنيه فيه 10 شقق في العمارة يعني علينا أكتر من 28 ألف جنيه ميه والنور بيجي 70 أو 80 جنيه وأنا عندي أوضة وصالة".
وتابع أقول للسيسي:"ربنا يعينا عليه ويعينه علينا أنا بطلب منه يا سيادة الريس بص لشعبك احنا انتخبناك وأيدناك يبقى انت المفروض تبصلنا بصلنا بعين الرحمة احنا مش طالبين أي حاجة من حضرته غير إنه يبصلنا بعين الرحمة إن احنا نعرف نعيش"
تابعوا آخر أهل مصر على Google News
