خطيبي هاكر.. بيراقب كل اصحابي وعيلتي.. مش عارفة اسيبه لأنه ركب لي فيديوهات بيهدنني بيها

رحاب فوزي

05:43 م

السبت 22/أبريل/2017

خطيبي هاكر.. بيراقب كل اصحابي وعيلتي.. مش عارفة اسيبه لأنه ركب لي فيديوهات بيهدنني بيها
صورة تعبيرية
حجم الخط A- A+

مشكلة غريبة تعرضت لها فتاة تشعر بالكره الشديد تجاه خطيبها، ومع هذا لا تستطيع ان تفارقه بسبب التهديدات التي يحاصرها بها، ولا يحاصرها وحدها بل يحاصر اصدقائها وعائلتها ايضا، مما جعل موقفها سيئ جدا.

تقول سالي: "انا خطيبي هكر، هو دكتور لكن احترف الهاكر، وبيعرف يفتح اي إيميل و اي حاجة على الانترنت، ويدخل في أي صفحة حتى لو جروب مقفول، ومن صفحته هو مطلع عيني و مراقب كل عيلتي عارف عننا كل حاجة، و اي حد يبعتلي رسالة بيبقي شايفها قبلي، عملت مليون باسوورد وباغيرها كل يوم، بس ولا بيتأثر، مبيدخلش بباسورد أصلا، حتي الواتساب معرفش ازاي بيدخل عليه، مع انه بالرقم واقسم بالله ما بيمسك موبايلي بس شايف وعارف".

وتحكي: "كل كلمة ياخذ اسكرين شوت، لاصحابي وقرايبي وكل اللي حواليا، يقولي دي مش محترمة، ودي مصاحبة علي جوزها، وحوارات مش بتنتهي، قفلت الاكونت خالص عشان ارتاح، الاقيه هو فاتحه، مبيثقش في حد من كتر ما هو ليل نهار شايف أسرار البلد كلها، حتي الممثلين".

وتكمل: "اقسم بالله انا مكتوب كتابي بس تاعبني نفسيا، لو حد بعتلي حاجه بتبهدل، أي وحدة صاحبتي ولا قريبتي تبعتلي صورة بتبقي عنده قبلي، و يعمل نفسه اهبل، قولولي اتعامل مع الشخصيه عديمة الأخلاق دي ازاي، وازاي امن حسابي وميعرفش يدخله، انا حاسة اني متراقبة، ولا باتصور، والله بخاف من الكاميرا الامامية، باحس انه شايفنا دايما وسامعنا، وكنت وانا باغير هدومي باحط الموبايل في الدرج، وانا بكلم اي حد حتي لو امي باكلمها بالوشوشة، اعصابي اتدمرت".

والحل: "المشكلة اني حاولت افك الخطوبة اكثر من مرة، وهو يهددني ويقوللي انتي ماتعرفيش معايا ايه، ولا عندي ايه، وفي مرة واحنا نتخانق قاللي انا عندي صور وفيديوهات ليكي كلها سكس وبلاوي، ومش هتعرفي تبعدي عني، وإلا هافضحك انتي وعيلتك، وهاخلي فضيحتكم على كل لسان، يا ريت حد يفيدني اعمل ايه".

موضوعات متعلقة