دخل مسلسل "الزيبق"، في مقصلة انتقادات الجموهور فقد شهد إعتراضات واسعة بعد الوقوع في أخطاء تاريخية فادحة.
ومن الأخطاء التي ألقى روّاد مواقع التواصل الإجتماعي الضوء عليها كانت حول فوز المنتخب المصري بكأس الأمم الإفريقية في عام 1998، فاقل أحد المعلقين: "في الحلقة التانية من مسلسل الزيبق بتاع كريم عبد العزيز وشريف منير، مصر فازت بكأس الأمم الإفريقية ٩٨ والناس نزلت تحتفل في الشارع … أومال إيه المشكلة ؟! المشكلة إن أي حد بيحب الكورة أو حتي فاكر البطولة طشاش هيعرف أن التيشيرتات اللي لابسها الناس في الشارع وهما بيحتفلوا مالهاش اي علاقه بلبس المنتخب ساعتها، لا الفونت ولا الياقة ولا التصميم ولا أي حاجة خالص، ده لو اعتبرنا أن كله اصلا كان هينزل لابس أحمر اللي لبسناه ماتش واحد مع أن الأساسي بتاعنا ساعتها كان أخضر او تركواز هو لون مش مفهوم لحد يومنا ده".
وإنتقد معلّق آخر وجود هواتف محمولة عام 1998 وقال: "طبعا ده غير أن في نفس الحلقة اتحبس كريم عبد العزيز ليلة في الحجز وكان جنبه متهم فخور بتخصصه في سرقة الموبايلات، اللي لو كان نزل منها مصر ساعتها فمش هيكون عددها أصلا يسمح بأن يكون في تخصص في سرقتها لسه".
وقال آخر: "وسبحان الله في نفس الحلقة اتكلموا عن وصلة الدش اللي ظهرت مع كأس القارات ٩٩، وماكانش في أي مشكلة في كأس الأمم لسه، واتفرجنا عليها علي القناه الثانية عادي جدا ساعتها أنا وأبويا بصوت شوبير “يا سلام يا حازم … يا سلام يا حسام".
جدير بالذكر أن مسلسل "الزيبق"، مأخوذ من ملفات المخابرات العامة المصرية، وتدور أحداثه حول شاب يدعى عمر صلاح الدين طه ويعمل فني كاميرات، وشخص آخر يدعى خالد صبري أبو علم وهو من تأليف وإخراج وائل عبدالله ويشارك في بطولته كل من كريم عبدالعزيز، شريف منير، هادي الجيار، ندى رحمي، جورج غبور، منير مكرم وغيرهم.
تابعوا آخر أهل مصر على Google News
