رضا الأم وسعادتها هي الغاية التي يسعى إليها الكثير منا رغبة في منحها مقابل بسيط لما عانته اياما وسنوات من اجل رعايتنا وحمل همومنا ومحاولات مستميتة لحل مشاكلنا مهما كان حلها.
ولكن هل فكرت يوما أن هناك تصرفات كنت انت السبب فيها ولم تشاهدها عانت منها والدتك وحيدة ولم تثقل كاهلك بها، اليك هذه الأفعال.
1- أمك عيطت بسببك كتير بس انت مشفتهاش ولا مره وكنت فاكر ساعتها أن محدش حاسس بيك.
2- أمك كان نفسها في الحته اللى ادتهالك بس سابتها لك وهى فرحانة.
3- أمك عارفه انك بتحب حبيبتك اكتر منها ... ولسه بتحبك برضه اكتر من حبيبتك.
4- أمك راقبتك كتير وبصت عليك وانت نايم ... بحق وحقيقى مش مشهد في فيلم.
5- أمك قلبها اتكسر بجد لما شافتك بتعيط وموجوع ... بس ضحكت قدامك عشان تضحكك.
6- أمك اتخبطت واتعورت واتلسعت كذا مره وهى بتطبخ لك بس مابينتش وكان عندها الأهم أن الأكل هيعجبك ولا لأ.
7- بنسبه 90% من احترام قرايبك واعجابهم ليك بسبب الكلام الحلو والمدح اللى بتقوله أمك عنك من وراك قدامهم.
8- أمك بتحبك اكتر من أى حد فى الدنيا وممكن كمان اكتر من أبوك.
9- أمك مستعده تعمل اللى فوق ده كله 100 مره وتفضل مخبيه عليك.
10- أمك مش مستنيه مقابل للحاجات دى كلها ولا عايزه تمسك مايك وتقول شوفو يا ناس انا بعمل ايه ... أصلها بتحبك عشان بتحبك مش عشان مستنيه منك حاجه.
الأم هي المعنى لكل شئ جميل في حياتك، اللهم احفظ أمهاتنا جميعا وارحم من مات منهم.
تابعوا آخر أهل مصر على Google News
