يوسف زيدان يهاجم إسلام البحيري: "عيب أنا أكبر منك" (فيديو)

"اخونا الصغير إسلام البحيرى يقعد يهزأ كده منى، عيب يا إسلام، انقد زى ما أنت عايز، بس أعرف أنا مش عدوك، وأنا أكبر منك بـ 16 سنة، ولما كنت فى سنك كنت نشرت حوالى 45 كتابا، اهدى شوية كده"، بهذه الكلمات هاجم الكاتب والروائي يوسف زيدان الباحث إسلام البحيري بعد انتقاد شديد وجهه له الأخير عبر الفضائيات.

وأضاف "زيدان": اللى انت بتستدل بيه فى الشاشة بتاعتك، وبتكرّه الناس فى الراجل، دى الفتاوى الكبرى، اتعب شوية واقرأ كتب الراجل هتشوف إن هو حالة من حالات التراث اللى فيها العلم والفن والفقه”.

وكان إسلام البحيرى، عرض فيديو للكاتب يوسف زيدان، عبر برنامجه “البوصلة”، على فضائية تن، وحديثه عن رفض كلمة إرهابيين، ويجب إطلاق اسم مجرمين عليهم.

وطالب البحيرى، الروائى يوسف زيدان، بتعديل منهجه، لأن الإرهاب فى القرآن فعل لم يقع، لافتاً إلى أن الفعل الذى قيل فى القرآن عنه “ترهبون به عدو الله وعدوكم”، أى إرهاب القلب، أى يخشون من قبل أن تقع الموقعة.