شاهد.. نجم منتخب مصر حزين بسبب سخرية المصريين منه

عبر علي غزال نجم منتخبنا الوطني ونادي فانكوفر وايت كابس الأمريكي، عن حزنه الشديد، من العنصرية التي تعرض لها من بعض الجماهير المصرية، عبر حسابه الشخصي على موقع التواصل الاجتماعي "تويتر".

ونشر علي غزال، صورًا لابنته احتفالًا بعيد ميلادها، حيث استقبل بعض التعليقات الساخرة من لون بشرته، على الرغم أن ابنته بيضاء نظرًا لكون والدتها بلجيكية، الأمر الذي أحزن نجم المنتخب.

وعلق غزال على تلك التهكمات قائلًا: "الحقيقة انا مش بزعل من أي تعليقات نظراً لأن عقول الناس مش زي بعض لكن للأسف اللي يزعل أن العنصرية اللي قابلتها في مصر أسوأ من كل الفترة اللي عشتها برة مصر اللي تكاد تكون منعدمة من الأساس! أسف إنما دي حقيقة".

وأضاف: "بعتذر للناس اللي بعتت لي تهنئة عشان سخنت شوية لكن بشكركم فرد فرد والله على الكلام الجميل و عقبال لما نفرح بكم و نشوف ولادكم ان شاء الله".

واختتم: "من أحلى الصفات اللي فينا معظم المصريين إننا بنبقى في ضهر بعض في مواقف كتير و بنقدر بعض و الله اللي شفته من الناس من امبارح نعمة بحمد ربنا عليها رغم والله اني مش زعلان من أي حد قال حاجة وحشة لكن الاحترام من الناس قام بالواجب! صباحكم كله خير".