أعرب الفنان تامر حسنى، عن سعادته بنجاح كليبه الجديد، وذلك عبر صفحته الشخصية على موقع التواصل الاجتماعى "فيسبوك"، ووجه الشكر لصديق عمره هانى محروس، وكتب: "مساء الهنا بجد أنا عايز أشكر صديق عمري وحبيبي المهندس هاني محروس شريك مشوار نجاحي لسبب مهم جدا القصه من أولها ان جاتلي من فتره كبيره أغنيه من الملحن المتميز بلال سرور والشاعر الراقي مصطفى حسن".
وتابع حسني: "وكنت حاببها جدا ولسه كنت برسم ملامح الألبوم ومكنتش عارف هل أغنيها في ألبوم أو في فيلم أو سينجل وكنت محتار جدا ومع تصوير فيلمي اتشغلت شويه لحد ما لقيت هاني بيكلمني بيقولي مش أنت وصيتني أدور على موضوع يهم ويعبر عن الناس الفتره دي وملوش دعوه بالحب قولتله صح".
اقرأ أيضاً.. عمرو سعد يهنئ تامر حسني بنجاح أغنية "عيش بشوقك"
وأضاف تامر: "قالي أنا جايبلك أغنيه مش شايف حد غيرك يغنيها وصرفت عليها من خلال شركتي كلام ولحن وتوزيع قولتله ابعتهالي لقيتها الأغنية اللي أنا حاببها وكان ليها اسم تاني بس أنا غيرته لما اخدتها المهم حسيت هنا بعلامه وإشاره كبيره أن الأغنيه دي مكتوبلي اغنيها واحترمت جدا مجهود هاني وشغله على الأغنيه من قبل موافقتي ولما سمعت الرؤيه مكتمله قولتله انا اتشرف انك تنتجلي المحتوى الصوتي للأغنيه دي وانا هنتج ڤيديو كليب كبير يليق بالفكره مع الرائع هادي الباجوري".
وانهي كلامه قائلاً: "ودخلت الستوديو وغنيتها وزودت الموال الأخير من عندي لإني حسيت اني عايز قفله جديده عليا في الأغنيه دي".
تابعوا آخر أهل مصر على Google News
