قال مصطفى يونس، نجم النادي الأهلي السابق إن محمود الخطيب رئيس مجلس إدارة النادي الأهلي، أفضل لاعب أنجبته الملاعب المصرية حتى الآن.
وأضاف الكابتن مصطفي يونس خلال ندوة "أهل مصر": "مفيش حد عوض الخطيب، أنا تربية صالح سليم ولعبت مع الخطيب ومرنت محمد صلاح، دول أبرز 3 علامات في تاريخي وده مش تعصب للخطيب، أو تحيز ضد أبو تريكة أو حازم إمام".
وأضاف مصطفى يونس: " أبو تريكة وحازم إمام متعونا، ولكن لما تيجي تقول لعيب كورة قول بركات مش أبو تريكة، بركات أهم من أبو تريكة، للناس اللي بتفهم في الكورة".
وتابع مصطفى يونس: "أبو تريكة العلامات البارزة في تاريخه إنه جاب اجوان مؤثرة جدا وبطولات، وهو لاعب كبير وانا كنت ومازلت بعشقه خارج الاطار الاخر، ولكن اللي ما شافش الخطيب بيلعب كورة ماشفش لاعيبة خالص".".
تابعوا آخر أهل مصر على Google News
