قال حسين قرني، الملقب بـ«عشماوي»، إنه ندم لحظة إعدام إحدى الفتيات بسبب «جمالها»، أثناء صعودها لقضاء حكم الإعدام بحقها.
وأضاف "عشماوي" في حوار لـ"أهل مصر": "كانت جاية متكتفة، وعشان أشوف شغلي، لازم أفك الغمامة اللي كانت على وشها، ولما طلعت طلبت منها إنها تشيلها، وفي لحظة رفع الغمامة، لقيت عينها زى جمال القمر، تبارك الخلاق، عمرى ماهنسى النظرة دي، اللجنة كانوا عاوزين يشوفوها، فنبيل بيه العزبي كان رئيس مصلحة السجون وقتها، كان بيقول إيه ياحسين ماتخلص ياحسين اتلبخت ولا ايه، فرديت عليه وقولتله والله لا والله ده انا عندي اقتراح أجيب اللي في البيت وأعلقها مكانها وأدفع الفرق".
وأوضح: "برنسيسة منيا القمح، اسمها دعاء سمير، جميلة الجميلات، طولها 2 متر و5 سنتيمترات، وعيونها زرقاء كانت متهمة بقتل زوجها، وقصتها كانت رأي عام، لأن أهل القتيل، حاولوا إشعال النيران في القسم وقتها، وجابوها من سجن القناطر، قالت للمأمور مش عايزة حد يشوف وشي".
وتابع: "كانت حاجة جميلة أوي، وقبل ما أعدمها ضحكتها وقولتلها تصدقي بالله إنتي خسارة يا بنتي، ممكن نجيب 20 واحدة مكانك أحسن، فضحكت وبعدها فتحت (الطبلية) فماتت".
تابعوا آخر أهل مصر على Google News
