أعرب الشاعر الغنائي أمير طعيمة عن استياءه من بعض جماهير النادي الأهلي بسبب هجومهم عليه على صفحات "السوشيال ميديا"، وكتب "طعيمة"، عبر صفحته الشخصية على موقع التواصل الاجتماعي "فيس بوك"، الناس كلهم عارفين إني مش أهلاوي ولا زملكاوي و أن كان احترامي للأهلي ككيان احترام كبير.
وأضاف "عشان تفهموا اللي هقوله كويس لازم تدخلوا علي صفحتي الرسمية وتشوفوا تعليقات جمهور الأهلي المحترم على آخر بوست رغم إنه بوست فني، المختصر المفيد أنا حاليا ما بكرهش في حياتي قد الأهلي طالما ده جمهوره، هتقولي قلة ؟ هقولك رغم أن مفيش تعليق واحد يتوصف بالاحترام لا على فيس بوك ولا تويتر، بس حتى لو قلة يغوروا بناديهم"
اقرأ ايضاً..منة فضالي عن مواصفات حبيبها: ربنا يرزقني بالزوج الصالح والحبيب الوفي
وتابع بعلن ندمي واعتذاري لنفسي على أغنية نادي المبادئ اللي أهديتها للخطيب في حملته الانتخابية، اللي مش عاجبه الكلمتين دول يخرج من عندي عشان ما اخسرش حد علي موضوع تافه، ملحوظة مهمة أنا عمري ما اتكلمت عن الأهلي أوغيره بعدم احترام، بس طبعا ده كان ياما كان.
تحديث: كلامي واضح أنا قلت إن الأهلي بقى أكتر حاجة بكرهها في حياتي وما قلتش اني بكره و هكره كل شخص بيشجع الأهلي، اكيد أنا مش مجنون وفيه مقربين مني أهلاوية أكيد محترمين.
تابعوا آخر أهل مصر على Google News
