فنان مصري يشتري سيارة نجم كرة قدم عالمي

كتب : إسماعيل فارس

اشترى الفنان محمد علي، الذي يقيم حالياً في إسبانيا، سيارة النجم الأرجنتيني ولاعب نادي برشلونة الإسباني الشهير ليونيل ميسي.

محمد علي يشتري سيارة ميسي

ونشر الفنان محمد على عبر صفحته الشخصية بموقع التواصل الاجتماعى "فيس بوك"، صورة لسيارة ميسي مع صاحب معرض السيارات، وعلق قائلا: "الحمدلله والفضل لله إيمانا بأن ربنا بيكرم اللى نيته خير للناس وبيحبهم.. موقف كوميدى حصل معايا أنا أصلًا لما ربنا كرمنى أنا مدمن عربيّات.. زي ناس كتير حبيت أغير البورش مع إنها عربية رائعة، لكن أنا مش بعرف ليه بحب نوع الفيراري.. مع إنه كان زمان آخري أشوفهم صور وألعب بيهم جيم، ولكن ده كرم ربنا".

وتابع الفنان محمد على: "شوفت فى معرض عربية فيرارى Ferrari California T عجبتني جدًا.. وقررت أبيع العربية البورش عند صاحب أحد المعارض في مدينة برشلونة الإسبانية.. لقيت صاحب المعرض بيقولى دى عربية النجم الشهير ميسى لاعب كرة القدم في نادى برشلونة وهو أحد عملائي وعايز يبيعها.. قلت له" شرف لي أركب عربية لاعب عالمي وأشتريتها".

وطلب محمد علي من صاحب المعرض: "قولتله عايز أضيف عليها حاجات روحت لواحد وده اللى بيوضب عربيّات المشاهير، وطلبت منه إن العربية تاخد روح الفراعنة عشان تبان إن دي عربية الفرعون المصري في برشلونة بعتز بحضارتى وبفتخر بالفرعون المصرى". اقرأ ايضا: رمضان 2019 .. تفاصيل وضحايا برنامج "مقلب زفة"