قالت الإعلامية بسمة وهبة لـ النجم أحمد سعد، من خلال الحلقة الثانية ببرنامج شيخ الحارة 3: «ليه هجومك على النجم تامر حسني بسبب لقب «نجم الجيل» نفسنة مطربين أنت جاي عند تامر حسني وتقول مش نجم الجيل تعليقك إيه»، ليرد النجم أحمد سعد، على الإعلامية بسمة وهبة، من خلال الحلقة الثانية ببرنامج شيخ الحارة 3 والمذاع من خلال قناة القاهرة والناس: «أنا معنديش مشكلة خالص مع تامر حسني أنا بحبه جدًا، وأنا قولت محدش ينفع يتقال عليه نجم الجيل.
اقرأ أيضًا.. أحمد سعد لبسمة وهبة: تزوجت سمية الخشاب حبًا في رسول الله (فيديو)
وأضاف أحمد سعد خلال حواره مع بسمة وهبة "يتقال عليه حلو هو هو زي العسل القمور وأحسن واحد في الدنيا، إنما مش أحسن من الناس يعني حماقي ده بصراحة بيعمل مزيكا تجنن تامر عاشور بيغني غنا يجنن بهاء سلطان، شيرين عبد الوهاب كل دول جيله يبقى ليه أنا أقول إني أحسن من الناس دي كلها".
وتابع أحمد سعد: «ما أقول إن أنا كويس أنا عظيم إنما مقولش أني أحسن من دول، والجمهور مبيحبش واحد بس، وأنا مبحبش الألقاب دي، وأنا ضد إن حد يقول أنا أحسن من كذا، وأنا كل الناس بديها حقها جدًا، وكنت هرفض لقب نجم الجيل».
تابعوا آخر أهل مصر على Google News
