مصطفى يونس لـ شيخ الحارة: رقاصة من شارع الهرم طلبتني للجواز (فيديو)

كتب : الشيماء زيدان

تحدث الكابتن مصطفى يونس خلال لقائه مع الإعلامية بسمة وهبة، ببرنامج شيخ الحارة"، المذاع على قناة القاهرة والناس، عن قصة حدثت له عندما كان عمره 19 عامًا، وذلك بعد سؤال شيخ الحارة له: " فاكر نادية الرقاصة بتاعت شارع الهرم وباب الكبارية اللي ورا وطاهر الشيخ لما كان راجع من كندا؟، حيث قال مصطفى يونس لـ شيخ الحارة: طاهر الشيخ كان راجع من كندا وكان هيتجوز أول ما جه وميعرفش حد، فحسين نقيب الفنانين في الوقت ده كان صاحبي واستعنا بيه لما كنا عايزين نعمل نمر في الفرح".

وتابعت مصطفى يونس، خلال استضافته مع بسمة وهبة في شيخ الحارة على قناة القاهرة والناس: "روحنا أنا وطاهر الشيخ في شارع الهرم في كازينو وجيبنا فنانين واتفقنا مع ست راقصة جميلة ولذيذة وخلتنا اتعشينا معاها وروحنا، معقبًا: "لقيت حسين صاحبي بيكلمني تاني يوم يقولي نادية عايزة تشوفك، فروحت من باب الفضول أشوف عايزاني في ايه، لقيتها بتطلبني للجواز".

واستطر يونس: "قالتلي هخليك تلعب كورة وهجيبلك عربية وهعملك اللي انت عايزه وهعملك مرتب، بس وافق انك تتجوزني، مؤكدًا أنه رفض عندما نظر لمستقبله ولم يلائمه الزواج من راقصة وهو لاعب في النادي الأهلي ومنتخب مصر".