قال النجم أحمد عز إن الصراع القائم على الساحة الفنية حول "مين هو نمبر 1"، قائلًا في أحد مقاطع الفيديو، والذي شاركه عبر حسابه الشخصي "إنستجرام":
وقال أحمد عز من خلال حسابه الشخصي على موقع الصور والفيديوهات القصيرة: "عمري ما فكرت في الحاجات دي من أول ما ابتدينا في 2000 عمر ما كان في بيني وبين جيلي الكلام ده، عمرنا ما فكرنا مين نمبر 1".
وتابع عز: "أنا بعمل فيلم حلو وخلاص، مفيش أبعد من كدا، وبتمنى كل الناس ينجحوا ويحققوا أعلى الإيرادات ويكونوا نمبر 1، بس للأسف إحنا مبنقولش نمبر 1 غير لما الجيل يخلص خالص".
وتابع: "والناس تمشي وتروح بدليل إننا لحد النهادرة جيل رشدي أباظة لحد أحمد زكي عمرنا ما قولنا نمبر 1، بس الناس بتحب أفلامهم، وكل حد ليه جمهوره وهو ده اللي هيحصل معانا".
View this post on InstagramA post shared by Ahmed Ezz (@ahmed.ezz.official) on Jun 6, 2019 at 12:14pm PDT
وانهى حديثه: "وعلشان كدا عمري ما التفت للكلام ده ولا علقت على المقولات دي خالص وإن كنت أتمنى إني أفلامي توصل لأكبر عدد من الناس".
والجدير بالذكر أن النجم أحمد عز يخوض ماراثون سينما عيد الفطر المبارك بالعمل السينمائي "الممر"، وهو من تأليف وإخراج شريف عرفة، وشارك في كتابة حوار الفيلم وقام بتأليف الأغاني الشاعر أمير طعيمة، وإنتاج هشام عبدالخالق.
اقرأ أيضًا.. نجوم الفن والإعلام فى العرض الخاص لفيلم الممر (صور)
و"الممر" بطولة النجم أحمد عز، أحمد رزق، إياد نصار، أحمد فلوكس، محمد فراج، أحمد صلاح حسني، محمد الشرنوبي، محمد جمعة، محمود حافظ، أمير صلاح الدين، وأسماء أبو اليزيد. ويناقش الفيلم المرحلة الزمنية بدءً من حرب 1967 وحتى الأوقات الأولى من حرب الاستنزاف.
تابعوا آخر أهل مصر على Google News
