هاجم المستشار مرتضى منصور رئيس نادي الزمالك، فاروق جعفر وأيمن يونس، واتهمهما بالكذب مؤكدا أنه لم يخبر خالد جلال برحيله قبل مباراة الأهلي.
وأضاف رئيس الزمالك فى تصريحات لـ "برنامج الزمالك اليوم" المذاع على قناة المحور: أنا بقول لفاروق جعفر وأيمن يونس ابعدوا عن الزمالك إنتوا الاتنين كدابين هتقولي أنا لعبت وعملت لأ.. لما حبيت أجيبك في البرنامج قلت عايز 420 ألف جنيه، وبيكذب وبيقول إننا بلغنا خالد جلال وعرفنا اللاعيبة اللي هيمشوا.. فده هز الثقة".
وتابع: "فاروق جعفر كداب انا مشفتش خالد جلال إلا مرة واحدة ومقلتش لخالد جلال إنه هيمشي واللعيبة اللي أنا قلت عنها ماشية هو عماد ومحمد إبراهيم بس لأنه قعد مع المقاصة قبل ماتش الجونة".
واستطرد: الجون اللي دخل في عماد بسبب السحر الأسود، هو الشناوي مش اتخرم 5 اجوان مع جنوب افريقيا اشمعنا ما بتصدش إلا هنا في الملعب اللي هنا اللي بتروح بليل تحط السحر الاسود بليل".
وعن سبب الهزيمة قال مرتضى منصور: جنش هو السبب لأننا بنلعب من غير جون، لو جنش واقف الكرة العبيطة دي مش هتدخل وعلي معلول عامل زي المعيز".
وحقق الأهلي فوزا غاليا على الزمالك بهدف نظيف في مباراة القمة 118 التي جمعتهما مساء الأحد على إستاد برج العرب ضمن منافسات الجولة 34 في ختام مسابقة الدوري المصري موسم 2018 / 2019.
بهذه النتيجة ارتفع رصيد الأهلي للنقطة 80 في صدارة الدوري بينما توقف رصيد الزمالك عند 72 نقطة في المركز الثاني.
تابعوا آخر أهل مصر على Google News
