كشفت الإعلامية ريهام سعيد، عن أول مكالمة تلقتها بعد إعلان مرضها، أنها كانت من النجم أمير كرارة، قائلة: "أول ما عيت أول تليفون جالي كان غريب جداً جالي من باشا مصر، وانت فعلا باشا".
وأضافت ريهام سعيد في مقطغ الفيديو التي نشرته عبر حسابها الشخصي بموقع تبادل الصور والفيديوهات الشهير إنستجرام، عن مكالمة أمير كرارة لها: "انت عارف كويس اني أنا أعرفك من زمان قوي، وأشتغلنا مع بعض عند طارق نور في برنامج مين بيقول الحق، وانا وقتها كنت لسة في الجامعة وروحت اتمرن في الإعداد، وبعدها مشوفتش أمير تاني".
وتابعت: "أمير دلوقتي في قمة مجده، أنت باشا مصر بجد، انت مش باشا مصر عشان أنت عملت مسلسل قوي ولا عشان تعبت ولا كل أعمالك محترمة، لا عشان انت إنسان ابيض وجميل قوي، ومافيش مرة قابلتك في مصر ولا بره مصر مسلمتش عليا بمنتهى الإحترم، ومش عشان حاجه لا انا عمري كلمت وقولتلك خدني معاك في مسلسل ولا انت كلمتني وقولتلي خدي هذه الحالة عالجيها".
تابعوا آخر أهل مصر على Google News
