ماجدة خير الله تشيد بنجاح حفل جينفر لوبيز: "كانت شبه عارية ومحدش عملها حاجه"

أشادت الناقدة ماجدة خير الله، بحفل النجمة العالمية جينفر لوبيز، الذي أقيم مساء أمس، في مدينة العالمين الجديدة بالساحل الشمالي، وبالتنظيم العالي لحفل جينفر لوبيز الأول في مصر، والذي يؤكد للعالم أن مصر بلد الأمن والأمان.

اقرأ أيضا.. حزن وإثارة ورقص.. تفاصيل حفل جينفر لوبيز في الساحل الشمالي

وكتبت "خير الله" عبر حسابها الشخصي بموقع التواصل الإجتماعي فيسبوك: "كده ضربنا كذا عصفور بحجر واحد، اثبتنا للعالم ان البلد آمنه، واقتصادنا جامد وعندنا ناس ممكن تدفع الوفات في تذكره حفله لجنيفر لوبيز، ونجاح الحفله حايخلي السياح يتدفقوا ، وأدينا نفينا اشاعه اننا من اعلي الدول في حوادث التحرش، بدليل ان الست كانت شبه بلبوص ومحدش عملها حاجه".

وتابعت: "وفوق ده كله اثبتنا اننا معندناش ارهاب خالص بأمارة ان محدش فكر يفجر عربيه جمب مكان الحفل، لان ارهابنا الوسطي الجميل متخصص في اذية الناس الغلابه فقط! ومش بيجرؤ يقرب من الناس الحلوين الاثرياء اصحاب النفوذ. اما المكسب الاعظم اننا خلينا جنيفر لوبيز تعترف بعضمة لسانها انها بتحب مصر من شغاف قلبها رغم انها مقعدتش فيها غير عدة ساعات!".