قالت عبير أحمد، مؤسس اتحاد أمهات مصر للنهوض بالتعليم، إن الاتحاد تلقي شكوى من أولياء أمور طلاب مدرسة الطائف الرسمية بمحافظة الإسماعيلية.
وأضافت عبير، في تصريحات صحفية، أن الشكوى تضمنت نقل الأطفال بصفوف أولى وثانية وثالثة ابتدائى وطردهم خارج مدرستهم لمبنى ملحق لمدرسة ثانوى حكومى مهجور وغير مجهز تماما وغير مناسب لأطفال ٧و٨ سنوات، بحسب الشكوى.
وأوضح أولياء الأمور أنه لا توجد مدارس تجريبى كفاية غير العجز الكبير فى مدرسين الانجلش والماث، إضافة إلى ذلك يتم قبول جميع الأطفال والتحويلات للمدرسة، مستطردين: "يرضي مين ده.. رمية الأطفال كده أول يوم دراسة وكسرة فرحتهم بسنة أولى مدرسة وبهدلة أولياء الأمور فى مدرسة دافعين فيها فلوس عشان يلاقوا تعليم ونضافة واهتمام، والآخر يبقى مكانهم مبنى خرابه حتى مفكروش يجهزوه او يستعدوا بيه".
أضاف أولياء الأمور: "فوجئنا بتنفيذ القرار قبل الدراسة بيوم وترد علينا المديرة بكل جرأة واستهتار وتقولنا اللي مش عاجبه يحول".
اقرأ أيضًا.. أول يوم دراسي.. محافظ الجيزة: تكريم أبناء الشهداء فى مدارس الجيزة
وأضافت عبير: أنا عايزه صوتي يوصل.. تم نقل الأطفال بفصول ملحقه في مدرسة أم الأبطال الحكومية والقرار قبل الدراسه بيوم، دورات المياه بلدي وارتفاع الحوض عن مستوى الطفل، فضلا عن ابتعاده عن مبني الأطفال.
وتابع أولياء الأمور: الشباك بتاع الفصول مفيهوش سلك وقريب من طول الأطفال وسهل العيال يلعبوا وينطوا منه، والزرع اللي قدام الفصول زرع شجر ليمون مليان شوك 3 سنتي وزرع صبار ومليان شوك، والديسكات منها اللي مناسب لسن ابتدائي ومنها اللي كبير بتاع ثانوي وغير مناسب ليهم نهائي"، وغيرها من المشكلات، مطالبين المسئولين بالوزارة بالتحقيق في شكواهم.
تابعوا آخر أهل مصر على Google News
