أعرب الفنان محمد فؤاد عن حزنه ممن يبيعون مصر ويسعون لزعزعة استقرارها مقابل حفنة من الأموال، قائلا: "علي الطلاق من بيتي لآخر قرش يا مصر لو نمت في جنينة هضحي علشانك يا مصر وعمري ما هبيعك".
وأضاف خلال مداخلة هاتفية ببرنامج "آخر النهار"، المذاع عبر فضائية "النهار": "عمرنا مافكرنا في شر لحد، إيه كمية الشر اللي كانت مستخبية في وسطينا دي"، ده أحنا يومين وكلنا هنموت وهنتحاسب، علي الطلاق من بيتي ما حد تعرض للضرر زينا 80% من ثروتي اتصرفت فداء الوطن، مع أنها فلوس عيالي، أنا فاتح 12 بيت في عيلتي، أنا رافض أني بتكلم في ده بس لقيت الليلة بيتكلم فيها اللي مشفش قرف في حياته، مش عارف ادفع مصاريف مدارس عيالي لحد دلوقتي".
وأوضح محمد فؤاد، أنه فوجئ بكمية الشر التي تبثها بعض الناس الذين كانوا يعيشون على أرض مصر، مضيفًا: "الناس دي مولودين في بقهم معلقة دهب، ومش حاسين بحاجة وجايين يتكلموا عن البلد دلوقتي وهي بدأت تنهض وتمشي في الطريق الصحيح".
تابعوا آخر أهل مصر على Google News
