وجهت الفنانة ريم البارودي رسالة حب وشكر لصديقتها النجمة وفاء عامر، بعد مساعدتها لها في تقديم إحدى مشاهدها الهامة في مسلسل قيد عائلي، والذي يدور حول فقدان الام لابنها في مشهد مؤثر في حلقة أمس، وبما إن ريم البارودي لم تعيش مشاعر الأمومة في الحقيقة، فطلبت من صديقتها وفاء عامر المساعدة، حتى قدمته بطريقة رائعة أشاد بها الجميع.
اقرأ أيضا.. أحمد السقا يوجه رسالة مؤثرة لمحمد هنيدي
ونشرت ريم البارودي مجموعة صور لها برفقة وفاء عامر، عبر حسابها الشخصي بموقع تبادل الصور والفيديوهات الشهير إنستجرام، وعلقت على الصور قائلة: "بطبطبي على قلبي كاني حته منك مهما كتبت عمري ما اعرف اوصف أخلاقك وحنيتك وجدعنتك دي سنييييبين طويلة وجودك في حياتي نعمة كبيرة".
View this post on Instagramبطبطبي علي قلبي كاني حته منك مهما كتبت عمري مااعرف أوصف أخلاقك وحنيتك وجدعنتك دي سنييييبين طويله🙌 وجودك في حياتي نعمه كبيره🙏🙏🙏💚 البوست ده علي احدي المكالمات الهاتفية اللي بينا النجمه الكبيرررررره وفاء عامر 🙏🙏💚💚💚كلمتهااااا الفجر وانا في حاله عصبيه شديده قولتها بقالنااا كتيرررر مش بنصور وراجعين التصوير وعندي بكره الصبح مشهد صعب جدااا مستر سين وعمري ماعملت حاجه شبهه قبل كده موت ابني طفل وانا مش أم ومش عارفه الإحساس وهل هو مختلف عن موت الأب والأم و و و و و وكنت خايفه خوف لان كل أم هتتفرج جوابتني علي كل التساؤلات اللي بدور في عقلي وقلبي حتي من غير ماقولها عمري ماانسي ردك وانتي بتقوليلي امين رزق لم تنجب وبخبرتك وعشقك للفن كانك مدرس وبيذاكر ويراجع مع تلميذه عشان داخل امتحان 🙏🙏🙏🙏🙏🙏💚💚💚💚💚💚 شكراااا وحفضل دايما اشكرك علي وجودك في حياتي لانه فرق كتيررررر في حياتي #قيد_عائلي اهم مشهدين كانو النهارده انا نجحت ياوفاء والفضل يرجع ليكي @wafaa3amerofficial A post shared by Reem Elbaroudy (@reemelbaroudyofficial) on Sep 29, 2019 at 4:45pm PDT
وتابعت: "البوست ده علي احدي المكالمات الهاتفية اللي بينا النجمة الكبيرة وفاء عامر، كلمتها الفجر وانا في حاله عصبيه شديده قولتها بقالنا كتير مش بنصور وراجعين التصوير وعندي بكره الصبح مشهد صعب جدااا مستر سين وعمري ماعملت حاجه شبهه قبل كده موت ابني طفل وانا مش أم ومش عارفه الإحساس وهل هو مختلف عن موت الأب والأم وكنت خايفه خوف لان كل أم هتتفرج، جاوبتني على كل التساؤلات اللي بتدور في عقلي وقلبي حتي من غير ما اقولها عمري ما انسي ردك وانتي بتقوليلي أمينة رزق لم تنجب وبخبرتك وعشقك للفن كانك مدرس وبيذاكر ويراجع مع تلميذه عشان داخل امتحان وهفضل دايما اشكرك على وجودك في حياتي لأنه فرق كتير في حياتي، قيد عائلي أهم مشهدين كانوا النهارده انا نجحت ياوفاء والفضل يرجع ليكي".
وردت عليها وفاء عامر قائلة: "فرحانة بيكي وليكي وفخورة أن عدنا احساس زي ده بحبك يا احلى احساس مختلف وربنا عوضك نجاح تستاهليه بجد فالحمد لله على نعمة الرضا والعطاء والإبداع فلولا أنك موهوبة ما كان نجح، رهاني على موهبة لم يخذلني ربي فيها مبرووووك لك ولكل المحترمين الذين يصدقون ما يعيشوه من أحاسيس ومشاعر فعلا المجد لهم".
تابعوا آخر أهل مصر على Google News
