أعلن الفنان أحمد السعدني عن أحدث أعماله الفنية المنتظر عرضها خلال الفترة المقبلة وهو مسلسل "شبر ميه"، ونشر أحمد السعدني بوستر المسلسل عبر حسابه بموقع الصور والفيديوهات الشهير "إنستجرام"، وكتب: "شبر ميه قريبًا"، ويعد هذا أول عمل سيظهر به أحمد السعدني عقب حزنه على وفاة زوجته السابقة والدة ابنائه.
أحمد السعدني
مسلسل شبر ميه
وفاة زوجة أحمد السعدني السابقة
وتوفيت زوجة أحمد السعدني السابقة السيدة أمل سليمان، يوم 9 أغسطس الماضي، بعد تعرضها لأزمة قلبية حادة، نقلت على إثرها إلى أحد المستشفيات الخاصة بالشيخ زايد، قبل أن تفارق الحياة.
وفاة طليقة أحمد السعدني
وكتب أحمد السعدني وقتها عبر حسابه بموقع التواصل الإجتماعي "فيسبوك": "عمري في حياتي ما اتكلمت عن حياتي الشخصيه لكن حسيت اني لازم اعمل كده دلوقتي فذكر إن الذكري تنفع (المؤمنين) أو الكافرين أو المستهبلين أو تنفع اي حد حس اني عملت حاجه، ححاول مطولش يوم ٩/٩/٢٠٠٣ حب من أول نظره في الشارع ما بين معهد السينما حيث كانت تدرس ومعهد فنون مسرحية حيث كنت الهو و ادرس برضه ميضرش كنت راكب عربيه و كانت ماشيه علي رجلها كنت حخبطها لكن حصل خير لا محصلش قوي خبطتتي هي في قلبي حب تقطيع شرايين سنة خطوبه سنة كتب كتاب شهر جواز خلفة أول ولد هنا بدأت المشكله اللي بكتب الكلام ده عشانها".
بداية المشاكل بين أحمد السعدني وطليقته الراحلة
وتابع أحمد السعدني وقال: "أنا زي كتير للاسف شباب anti تحمل مسئولية بص لنسب الطلاق وانت تفهم انا بيجيلي ارتيكريه لما احس اني مسؤول وهي برضه حبيبتي زي بنات كتير بتقول طلقني أكتر مبتنطق اسمي كانت النتيجه في أول سنة بس حوالي ٤ طلاق شفهي كل الشيوخ ساعتها قالولنا ده لعب عيال الطلاق ليه شروط زي الجواز تمام اسكت بقي لا تعالى يا عم طبق الشروط ادي اول طلقة، قشطه يا باشا عشت حياتك؟ اه ...ارتحت ؟؟ لا ".
الرجوع بعد أول طلاق
واستكمل السعدني: "وحشتني وحشني حنيتها و حبها و هبلها متيجي نرجع يا بت يالا يا متخلف هوووووب جبنا تاني ولد نفس الاحساس نفس الارتكريه بس المرادي صموووووود مش حينفع نتطلق تاني، لا تصدق نفعت الجانب الاناني في شخصيتي غلبني يا عم كبر مخك وعيش حياتك المشكلة اني عمري ما رتحت كنت عايز حضنها وحنيتها وهبلها بس كنت بأجل الرجوع يمكن أكبر أو أعقل أو أقدر اتحمل المسؤليه بجد، حددت لنفسي سن معين ارجعلها فيه قال يعني حبقي نضجت بس ملحقتش ماتت في لحظه كانت بتكلمني قبلها بساعة و مكنتش عيانة كان عندها ضغط زي أغلب الشعب المصري الحمد لله".
آخر أعمال أحمد السعدني
آخر أعمال أحمد السعدني، كانت مشاركته في مسلسل "زي الشمس"، الذي عرض في سباق مسلسلات رمضان الماضي، وحقق نجاحا كبيرا، ونسبة مشاهدة عالية بين المسلسلات المعروضة، وجسد بطولته بجواره كلا من الفنانة دينا الشربيني ، ريهام عبد الغفور، وأحمد داوود، وسوسن بدر، وغيرهما من الفنانين.
وأضاف أحمد السعدني: "ماتت ومشيت وقررت تسبني للابد كنت فاكرها حتستناني ومتاكد من ده مستحيل تحب حد غيري مجاش في بالي انها ممكن تموت دلوقتي صغيرة واكتر واحدة في حياتي شفتها بتحب الحياة وعندها طاقة ايجابيه ، ماتت وسابتلي الولدين والندم ".
واختتم كلامه: "انا متاكد انك في الجنه رحتي للي خلقك يوم عرفه وأميرة وست البنات والستات ونضيفه وكريمة وصنتي ولادي وبيتي، بحبك يا أمل حياتي اللي اتهد وبوعدك المرادي حشيل المسؤوليه للاسف اتعلمت الدرس بس بعد ما اتحرمت من حنيتك وحضنك وولادك كمان اتحرموا من احن ام ربنا يقدرني واربيهم احسن ما كنتي عايزة بحبك ومش بطلب منك غير انك تسامحيني، ربنا يرحمك ويرحمني ويرحم ولادنا يا حبيبة عمري الوحيده".
آخر أعمال أحمد السعدني
آخر أعمال أحمد السعدني، كانت مشاركته في مسلسل "زي الشمس"، الذي عرض في سباق مسلسلات رمضان الماضي، وحقق نجاحا كبيرا، ونسبة مشاهدة عالية بين المسلسلات المعروضة، وجسد بطولته بجواره كلا من الفنانة دينا الشربيني ، ريهام عبد الغفور، وأحمد داوود، وسوسن بدر، وغيرهما من الفنانين.
مسلسل شبر ميه
فريق عمل مسلسل شبر ميه
وأعلنت المنتجة مها سليم المالكة لشركة سليميديا عن طاقم عمل مسلسل شبر ميه عبر حسابها بموقع التواصل الإجتماعي "فيسبوك"، وكتبت: "بسم الله توكلنا علي الله، قريبا شبر ميه علي DMCإنتاج سينرجي تامر مرسي، وسيلميديا، بطولة احمد السعدني، نجلاء بدر، مراد مكرم، ندي موسي، محمد علي رزق، نهى عابدين، ثراء جبيل ، والهانم رجاء الجداوي، والقديرة أنعام سلوسة، رشا بن معاوية، محمود عزت، محمود عامر، محمد فاروق، والأبطال الصغارهنا ،ريم عبد القادر، آدم، إخراج الأستاذ طارق رفعت، تأليف شريف بدر الدين، منتج فني تامر فتحي وأحمد فرغلي، مدير تصور علي عادل، ديكور شرين فوغل، موسيقي تصويرية تامر كروان، مكياج ايهاب محروس.
تابعوا آخر أهل مصر على Google News
