نشوى مصطفى: مش محتاجة أمثل جوزي معاه الجنسية الأمريكية

ads

إسماعيل فارس

06:26 م

السبت 19/أكتوبر/2019

نشوى مصطفى: مش محتاجة أمثل جوزي معاه الجنسية الأمريكية
الفنانة نشوى مصطفى
حجم الخط A- A+

حرصت الفنانة نشوى مصطفى على الرد على الهجوم الذي تعرضت له من بعض متابعيها منتقديها، وذلك بعد أن نشرت على حسابها الشخصي بموقع التواصل الاجتماعي فيس بوك، وطالبت بطريقة ساخرة بالعودة إلى التمثيل بعد انقطاع دام لفترة، وظهور وجوه صاعدة مكتسحين الساحة الفنية.

ونشرت نشوى مصطفى منذ قليل على فيس بوك قائلة: "توضيح هام، من يومين كتبت بوست والحقيقة كالعادة الفترة اللي فاتت بقيت أى حاجة بكتبها بيكون رد الفعل تجاهها أكبر من توقعاتي بمراحل، البوست كان ملخصه أني عايزة أمثل، والحقيقة أي فنان زميل هيفهم معنى أن طاقتك وموهبتك متعطلة".

اقرأ أيضا.. نهال عنبر تهنئ عبير منير بزفاف نجلتها مريم قورة

وأضافت نشوى مصطفى: "إنك تكون مركون على المعاش وأنت لسه عندك طاقة بدليل، أن العظيمة أمينة رزق كانت بتمثل لآخر يوم في عمرها، اللي تجاوز التسعين سنة، وأنها قدام الكاميرا كانت بتتحول لطاقة فنانة في الثلاثين، المهم أنه أتفهم من البوست أني لاسمح الله محتاجة أمثل علشان محتاجه فلوس مثلاً".

وأكملت حديثها قائلة: "وده عرفته من كم التليفونات اللي تلقيتها أو من كم الناس السفلة الشمتانين الكارهين، واللي بيكرهوا أي حد بيقول تحيا مصر، وأحب أوضح لكل الناس محبين أو كارهين أني من فضل الله سبحانه وتعالى مستورة جداً، وأني متزوجة من راجل بيعولني".

وتابع نشوى: "ومن فضل الله زوجي عنده بزنس ساترني وساتر بيتي وولادي، اللي بفضل الله اتعلموا جوه مصر وسافروا كملوا دراستهم فى أمريكا وألمانيا وبفضل الله وبكرمه، ونعمته واجتهاد زوجي الحمد لله مستورة ، وأن زوجي معاه جنسية أمريكية".

واختتمت: "وأنه من الممكن ننتقل للعيشة في أمريكا ودخلنا، من شغله يكون أعلى بس إحنا زي السمك مانقدرش نسيب مصر وبعتذر لكل القنوات العربية والمصرية اللي كلموني، علشان يستضيفوني علشان نتكلم في البوست..وبشكر أخواتى وأصدقائي المنتجين في الكويت وفي الإمارات على عروضهم الطيبة وفعلاً الفنان فنه مالهوش حدود تقاس بالكيلومترات، أنا بحبكم".

موضوعات متعلقة