اعلان
اعلان

السيسي: "التأمين الصحي الشامل لن ينجح إلا بدفع الاشتراكات.. ومفيش رئيس هيقول لكم الكلام ده غيري"

السيسي في افتتاح مشروعات بورسعيد وسيناء
كتب :

كشف الرئيس عبد الفتاح السيسي، عن الخطة التي تبنتها الدولة في الحفاظ على صحة المصريين، عن طريق طرح المبادرات الرئاسية.

وقال الرئيس خلال افتتاحه عددا من المشروعات القومية بمحافظتى بورسعيد وشمال سيناء وعلى رأسها أنفاق بورسعيد اليوم الثلاثاء: "احنا محتاجين نفهم أكتر على مستوى المواطن العادي الجهود اللي بنعملها في الصحة، احنا بنعمل كدة ليه، احنا حريصين على الصحة والتعليم، فكنا محتاجين نعمل تأمين صحي شامل، لكن عشان هياخد وقت استبقناه بالمبادرات".

مشروعات بورسعيد

وتابع: "أنا بتعامل معاكم في إطار حاجيتن، الصراحة الشديدة، والشفافية الشديدة، مبادرات الصحة الهدف منها هو التصدي للتحديات الصحية التي تواجه الناس، كنا بنتكلم عن 300 ألف عملية خلال سنة في قوائم الانتظار".

اقرأ أيضا: السيسي في افتتاح مشروعات بورسعيد وسيناء: قوائم انتظارإجراء العمليات الجراحية وصلت لـ 300 ألف عملية خلال سنة

افتتاح مشروعات قومية بمحافظتى بورسعيد وسيناء

وقال: "احنا حبينا منخليش راجل ست طفل حد كبير في السن، يكون محتاج علاج مكلف ونسيبه، وبالتالي احنا مستنيين، طبقا للتخطيط للتأمين الصحي الشامل فاحنا محتاجين سنوات فقلنا نبدأ بالمبادرات، فيروس سي الضغط والسكر والسمنة، والأمر ماشي، لما لقينا حد عنده سكر قلناله إنه عنده سكر وبنتصدى للحالات، ثم دخلنا على ولادنا في الجامعة، وفي الجامعة والشباب اللي هما في ثانوي عشان لوحد مريض يتم علاجه، وأنا بقترح في كل دخول للعام الدراسي كل سنة يتم إجراء فحص قبل دخول الجامعة أو المدرسة، نفحص عن فيروس سي، بس هتتحمل الأسرة التكلفة هنا، هتكلف كام يعني 20 جنيه".

مشروع التأمين الصحي

وتابع: "بقول لأهالي بورسعيد، الموضوع ده مرتبط عشان ينجح بالتعاون، يعني المواطن يدفع الاشتراك ليه ولأسرته، واحنا كدولة ملتزمين بالتأمين الصحي الشامل طبقًا للخطة، أنا بقولكم كدة ليه، عشان نهتم بهذا، مفيش حد مكاني هيقولكم الكلام ده، لكن احنا اتفقنا على الصراحة، أنا بقول للمواطن وبسمعه، المواطن هيدفع لننفسه ولأسرته".

وأضاف: "الاشتراكات التي سيتم دفعها في جزء منها على المواطن، الكلام ده مفيش رئيس بيقوله، بيخلي الكلام السيئ للمسئولين وبيتكلم هو في الحاجات الإيجابية والكويسة بس، لكن انا اتفقت معاكم على الصراحة، وأنا هتحاسب قدام ربنا على كل كلمة بقولها، الدولة ملتزمة، لن ينجح الموضوع ده في مصر إلا طبقا للأساس اللي أنشأناه عليه، لازم تدفع اشتراكك".

المشروعات القومية

وقال: "خلال الأربعين السنة اللي فاتت، مشاريع الدولتة في الصحة منجحتش لأن المخطط التي كانت تضعه الدولة يتعثر بسبب الفلوس، انت ممكن تقعد عمرك متحتاجش للتأمين الصحي الشامل، لكن مرة واحدة قد تحتاج إلى علاج، الموضوع تكافلي، بيدفع القادر وغير القادر، لازم أسجل ليكمده وللتاريخ، عشان بعد كام سنة محدش يقول إن المشروع باظ ومكملش، انا كل موضوع بنتكلم فيه بنتكلم على اساس نجاحه، المشروع مش هينجح غير كدة، المواطن يتحمل جزء، والدولة الجزء الاخر، عشان ممكن حد يروح مستشفى في بورسعيد مثلا وميكونش معاه فلوس، فيصور نفسه على فيس بوك والحق مفيش فلوس والناس تسيء للأمر قبل إطلاقه، احنا بنعمل موضوع لأول مرة، وهتظهر حاجات فسنتصدى لها، ساعدونا اننا احنا كدولة اذا خططت لأمر يظهر أنها قادرة على تحقيقه، الكلام ده مفيش رئيس هيقوله".

إقرأ أيضاً
WhatsApp
Telegram
إقرأ أيضاً
عاجل
عاجل
أمريكا "غيرت موقفها" من اجتياح رفح.. كواليس مباحثات غالانت مع مسؤولي البيت الأبيض