رامي جمال لـ "إسعاد يونس": "المرض عمل اللي المزيكا معملتوش معايا" (فيديو)

ads

إسماعيل فارس

02:50 ص

الثلاثاء 03/ديسمبر/2019

رامي جمال لـ إسعاد يونس: المرض عمل اللي المزيكا معملتوش معايا (فيديو)
حجم الخط A- A+

حل النجم رامي جمال ضيفا على الإعلامية إسعاد يونس، في برنامجها "صاحبة السعادة" المذاع عبر قناة "دي ام سي"، وتحدث رامي عن مرض "البهاق" الذي أصيب به مؤخرا، وعن قصة نشره لتفاصيل مرة في منشور على حساباته على مواقع التواصل.

وقال رامي جمال عن مرضه: "الابتلاء والمرض اللي جالي افتكرته هينهي الشغلانة اللي بحبها، اللي شفته واضح أن الابتلاء ده هيعمل اللي المزيكا معرفتش تعمله معايا، لان انا شفت حب كبير، ولو مطرب نجح اوي فيه ناس تحبه وناس لا، لكن اللي شفته في مرضي حاجة ملهاش وصف، الاتفاق على شخص حاجة صعبة أوي".



وتابع رامي جمال حديثه قائلا: "وانا بنزل بوست كنت قلقان وخايف لحد يقولي متعتزل هو انت مين يعني، لكن والله مشفت تعليق وحش من اي حد، ربنا بيطبطب على قلبي بيقولي رضاك بالابتلاء وصبرك".

وأعلن الفنان رامي جمال، منذ عدة أسابيع، عن إصابته بمرض البهاق، وتفكيره في اعتزال الغناء تجنبا لرد فعل الناس، لكن الحب الذي شهده من الجميع والتضامن والمساندة له جعلته يتراجع عن قراره.

وعلق رامي جمال في منشوره: "الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة.. رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى".

اقرأ أيضا.. رامي جمال يوجه الشكر لـ عمرو يوسف لهذا السبب

وواصل كلامه قائلا: "أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة.. لقيت إن عندي حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو".

موضوعات متعلقة