زوجة أحمد الفيشاوي لمنتقديها: "عربيتي بـ 2 مليون و600 ألف جنيه بس"

أهل مصر

علقت ندى الكامل، زوجة الفنان أحمد الفيشاوي، على ما تم تداوله في الساعات الأخيرة من أخبار عن سيارتها الفارهة وأن سعرها مليون جنيه.

وقالت "الكامل" عبر حسابها الشخصي بموقع التواصل الاجتماعي "فيس بوك": "إنتوا ناس رخمين وبايخين وتافهين وفاضيين، وأنا قررت ابقي زيكوا، عربيتي مش بمليون جنيه عربيتي ثمنها 2 مليون و600 ألف، ودي عربية واحدة من التلاته اللي عندي وكلهم مفيش منهم غير قليل”.

وأضافت: "انتوا ناس جهلة ومش عارفين حتى دي أي فئة.. عربيتي E CALSS COUPE، مش cla ولا اللي قولتوه ده، يا رخمين يا جهلة، لازم يعني أعمل showing يعني!! وأبين نعم ربنا ليل نهار ونستعرض والناس اللي حظها قليل نفضل نزهقها بالأخبار دي والتصرفات المريضة اللي للأسف بقت موضة رخيصة عند بعض الناس للأسف، كل إنسان عنده نعمة متاخد منه حاجات قصادها كتير، وأنا أتحدى صاحب الخبر ده وغيره وبطلب منه ياخد ده كله ويعيش عيان وأنا مش عاوزه حاجه غير الصحة وراحة البال والنوم من غير هم أو خوف إني هصحي بكره ولا خلاص".

 

وتابعت: "وده إحساس مريع وهلع، وإن ولادي وصحابي وجوزي وعيلتي يكونوا كويسين، الناس اللي ربنا مديها الصحة دي نعمة كبيرة أوعوا تنسوها، حسوا بنعمة الصحة ومش لازم أسلوب الخبر رخيص وغير صحيح ولا يتسم ولا يمت للحقيقة بصلة، يا رخمين”".