اعلان
اعلان

نشوى مصطفى ترد على ميار الببلاوي بعد هجومها على دينا

نشوى مصطفى
نشوى مصطفى

حرصت الفنانة نشوى مصطفى بالرد على على الممثلة ميار الببلاوي عقب هجومها على الفنانة دينا عقب عودتها لمباشرة تصوير مسلسل رمضان، وكتبت نشوى: "لاحول ولا قوة الا بالله، ايه ده؟ هو انتى ياميار اعتزلتى التمثيل ؟ اصلك لحد قريب كنت عارفة انك بتمثلى عادى حتى لو فى رمضان وبعدين الممثلين يضيعوا عليكى رمضان ليه ؟ انتى عاقلة بالغة وبعدين ياستى اجتهدى وقاومى زمايلك الشياطين اللي بيلهوكى عن عباداتك علشان الجهاد ثوابه كبير ربنا يرزقك الجنة ويهدي زمايلك الاشرار".

نشوى مصطفى

وتابعت نشوى مصطفى حديثها وكتبت: "ياميار حرام تستعدى الناس على زمايلك وتقولى للناس مين معايا عيب والله ده انتى كلتى معاهم عيش وملح، ادعى بالهداية لكن غيبة ونميمة لاء، كونى قدوة وسيبك من لم اللايكات وادعى ربنا يتقبل طاعاتك ويغفر لك ذنوبك غفر الله لنا ولكى".

وأضافت: "وعلى فكرة شيلى صورة دينا علشان حرام عليكى ده بيسمى فى الاسلام غيبة لانها ماتعرفش انك حطه صورتها وبعدين اتقى مكر الله ياميار إن مكر الله شديد لاتزكوا انفسكم هو اعلم بمن اتقى والسلام عليكم ورحمة الله وبركاته".

ميار الببلاوي

وردت ميار الببلاوي على كلام نشوى مصطفى، وكتبت: "نشوه حبيبتى انتى عشره العمر وربنا يعلم غلاوتك عندى وردك يحترم والله انا مبناظر ولابزايد ولا بزكى نفسى على احد ربما يكون افضل واقرب لله منى لكن انا فعلا اتكلمت من قلبى ومن خوفى على عشره عمرى وزمايلى اللى كلت مهاهم عيش وملح حتى دينا صحبتى وبحترمها بس فعلا دى وجه نظرى من سنين ان رمضان شهر الله وعمرى مسعيت لمسلسل فى رمضان وانا معتزلتش التمثيل لكن فى رمضان مليش غير برنامجى الدينى".

وتابعت: "انا مغتبتش دينا لانى مجبتش اسمها والصوره نازله فى اماكن كتير وعليها تعليقات من فنانين زمايلنا يعنى انا مشيراها من عند زميل انا بحبك فى الله ومش هزعل منك لكن بجد رمضان شهر الله وفى الظروف دى محتاجين للدعاء والرحمه انما المسلسلات ليست ضروره حتميه فى الشهر الفضيل وبالذات لو فيها كمان ضرر لزمليلى والعمال الغلابه الى بيشتغلوا فى اللوكيشن يعنى نضحى بنفسنا وبالناس علشان شي هيضر مش هينفع".

هجوم ميار الببلاوي على الراقصة دينا

وكانت هاجمت الفنانة ميار الببلاوي، الراقصة دينا بعد اعلانها لنزول تصوير مسلسلات شهر رمضان، بعد أن كانت تدعو للجلوس في المنزل للحب من انتشار فيروس كورونا المستجد في مصر.

وكتبت ميار عبر حسابها بموقع التواصل الإجتماعي "فيسبوك": "بجد مقدرين تضحياتكم الفظيعه فى سبيل شهر ربنا شهر الرحمه والمغفرة والصلاة والصوم والذكر انكو مصممين تضيعوه علينا كان رمضانكم غير رمضانا".

وتابعت هجوم على الفنانة دينا: "استغفر الله كان رمضان مش هيبقى رمضان من غير المسلسلات والمسابقات واللهو الى اغضب ربنا علينا العمره اتمنعت والاذان والمساجد اتقفلت رحمه ربنا الى محتاجينها دلوقتى اللجوء ليه مش لمسلسلاتكم حتى لو صحابى هيزعلوا منى بس ربنا بيقولكوا سيبوا رمضان لاهل رمضان اتقوا الله علشان يجعل لنا مخرج ويرفع الوباء والبلاء مين معايا يا جماعة".

وحاولت "أهل مصر" التواصل مع الفنانة دينا كي ترد على كلام ميار الببلاوي ولكنها فضلت عدم الرد.

WhatsApp
Telegram
إقرأ أيضاً
عاجل
عاجل
أمريكا "غيرت موقفها" من اجتياح رفح.. كواليس مباحثات غالانت مع مسؤولي البيت الأبيض