اعلان
اعلان

محكمة الأسرة في أسبوع.. منال: "جابلي فتاة ليل الشقة وعايزني اقعد اتفرج عليهم".. محمد: "بتخوني مع شاب ومصورة له نفسها بقميص نوم"

الخلع فى اسبوع
الخلع فى اسبوع

تشهد محاكم الأسرة يوميا العديد من القضايا منها الخلع والطلاق وغيرها باختلاف الأسباب والدوافع، أبطال هذه القصص أشخاص عاديون تعرضوا لظروف جعلت الحياة الزوجية مستحيلة، و كتب لهم القدر أن تسجل أسماؤهم فى سجلات القضاء.

لذلك رصدت " أهل مصر" أهم دعاوى الأحوال الشخصية من داخل محاكم الأسرة فى أسبوع.

حسام في دعوى نشوز: "بتخوني مع خطيبها الأولاني وبتعمله أكل بفلوسي"

"عمرى ما شكيت فيها لحظة أنها تخونى أو تفكر فى راجل تانى وهى على ذمتى، لحد ما شوفت الرسائل بالصدفة بينها وبين خطيبها الأولانى ومسحت كل الرسايل مش موجود غير رسايل يومين وبتقوله أنا جهزت لك أكل واقابلك فى نفس المكان".. شكا حسام زوجته بسبب هذه الكلمات داخل محكمة الأسرة بزنانيرى لرفع دعوى نشوز من زوجته حتى يحرمها من حقوقها الشرعية بعد أن علم أنها تقوم بخيانته، وأنها مازالت تقابل حبيبها السابق وليس هذا فحسب، بل أن تأخذ أمواله لتصنع لخطيبها الطعام وتشترى له الهدايا.

وفاء في دعوى خلع: "عنده عقدة من مراته الأولى عشان خانته"

" أتجوزنى بعد ما طلق مراته الأولى عشان شافها فى حضن واحد فى شقته، وأقنعنى أنه شايفنى غيرها وعمره ما هيربط اللى حصل معاه بحياتنا، لكن للأسف محصلش، ومن أول ما اتجوزنا وهو دايما بيشك فيا وكل حاجة بحساب، ممنوع اتكلم فى التليفون غير قدامه، بقي يخاف يخرج من البيت عشان خايف أخونه".. نطقت بهذه الكلمات وفاء وهى داخل محكمة الأسرة بزنانيرى لرفع دعوى خلع من زوجها بعد عام ونصف فقط من الزواج مبررة استحالة العشرة معه.

محمد في دعوى نشوز: "بتخوني مع شاب ومصورة له نفسها بقميص نوم"

خدعتنى وطعنتني فى شرفي، كنت فاكر انها إنسانة محترمة بتقدرنى فى غيابي وسفرى لكن للأسف اكتشفت انها كانت تعرف شاب على الإنترنت، لدرجة أنها بعتت ليه صورها وهى بقميص نوم، ومعرفش إيه حصل بينهم وهو بعت لي صورها، مكنتش مصدق عنيا لحد ما أتأكدت انها صور حقيقية ومش مفبركة ".. بهذه الكلمات اشتكى محمد زوجته أمام محكمة الأسرة بزنانيرى لرفع دعوى نشوز ضد زوجته ليحرمها من حقوقها مبررا ذلك بخيانتها له.

منال في دعوى خلع: "جابلي فتاة ليل الشقة وعايزني اقعد اتفرج عليهم"

عمره ما حس بغيرتى عليه، كنت بتقطع وانا بشوفه بيكلم بنات عادي قدامي، ومكنتش بحب اضايقه عشان حبي ليه خلاني اقبل بأي شيء، والغريب أنه بيكلم بنات ويقول لى بحبك لكن دا طبع فيا ومش قادر أبطله، كل دا كنت بتحمله، لكن عمري ما تخيلت ان توصل بيه الجرأة أنه يجيب ست البيت وأنا موجودة"، شكت منال زوجها بهذه الكلمات أمام محكمة الأسرة بزنانيرى فى دعوى خلع بعد 4 سنوات من الزواج مبررة استحالة العشرة معه.

دينا في دعوى خلع: "عايزني ألبس عريان زي أخواته"

"اتجوزنى وأنا لبسي محترم عمري ما لبست فستان عريان على الرغم اني مش محجبة، إنسان مش بيخاف ولا بيغير عليا عايزني ألبس فساتين عريانة، عشان ابقى زي بنات أهله ولما رفضت اتخانق معايا واتهمني اني رجعية ومتخلفة".. هكذا بدأت دينا حديثها من داخل محكمة الأسرة، بعد أن تقدمت لرفع دعوى خلع على زوجها بعد عام من زواجهما.

WhatsApp
Telegram
إقرأ أيضاً
عاجل
عاجل
لأول مرة.. أهالي الجنود الإسرائيليين الأسرى يجتمعون اليوم مع نتنياهو