المشرف العام على التحرير داليا عماد

الفنان المحترم "رزق"

أهل مصر
الفنان أحمد فؤاد سليم
الفنان أحمد فؤاد سليم

أحمد فؤاد سليم ممثل بدرجة عبقري ..حريف تشخيص بأسلوب آدمي .. لن اكون مبالغاً إذا تحدث عنه ووصفته انه يجسد الشخصية بدقة وتفصيل أكثر من صاحبها الأصلي ..

فنان يؤدي دوره بإتقان ومتعة وحرفية تجعلك كمشاهد وخلال متابعتك ومشاهدتك له في أي دور يقوم به وعلي أي شخصية يقدمها تبتسم وتفرح وتسعد به وتشعر انك تريد القيام من علي كرسيك ومكانك وتقف علي قدميك وتسقف له وتقول له شكراَ انك اتحت لنا الفرصة ان نتفرج علي ممثل محترم زي حضرتك ونستمتع بتمثيل جميل يمتلئ بالاحترام والجمال والابهار .. اسلوبه الفني عذب وسليم وسهل وبسيط ومريح .. بيعرف ازاي يوصل للمشاهد والمتلقي من أقرب طريق بدون لف ودوران ومن غير ما يدوخه ويتعبه أو "يتفذلك" عليه .

ويكفي عزيزي القارئ أو المشاهد أن أخبرك أن بداية تمثيله وتشخيصه تبدأ من صوته ومخارج وركوز حروفه المميزة .. أيوااا دي حقيقة موهوب لدرجة إنه مجرد ما بيتكلم بيعبر وبيوصف حال الشخصية وإحساسها ومعني المشهد والجملة اللي بيقولها وبتطلع بالبلدي كده من بوقه .. ممثل عصري بنكهة وقيمة أيام زمان أو زي ما بنقول هو ميكس بين زمان ودلوقتي في شكل محترم وجمالي وبأسلوب مهذب وراقي .. تشوف وتري فيه المثقف والجنتل مان والباشا وإبن البلد الجدع والشياكة .. وتتقبل منه النصيحة اللي بيقولها وتصدر منه في الفيلم أو المسلسل الذي يعيش فيه ويتواجد بداخله وحيث تتمني وقتها أن تفتح الشاشة وتقفز داخلها وتحضنه وتسلم عليه .. والأهم من كل هذا إنه إنسان قبل ما يكون فنان .. ولا يصح علي الإطلاق أن أذكر عمل أو دور له تفوق وتميز وأجاد فيه ، لأني لو فعلت هذا هبقي بظلمه ... لأن لا يصح إختزال نجوميته في مشهد أو فيلم أو بضعة أدوار بمسلسلات ، لأن فنه وموهبته أكبر من كده بكتير .. تحية إعزاز وحب وتقدير للفنان المحترم الإنسان أحمد فؤاد سليم...والفنان المحترم فعلا ... رزق .

إحصاءات فيروس كورونا حول العالم (تحدث لحظيا)
مصر
المصابون
المتعافون
الوفيات
العالم
المصابون
المتعافون
الوفيات

Instance ID Token

Needs Permission