اعلان
اعلان

رضوى الشربيني تكشف حقيقة زواجها: "أنا ست مش مرتبطة وبربي بناتي" (فيديو)

رضوى الشربيني
رضوى الشربيني

كشفت الإعلامية رضوى الشربينى، حقيقة زواجها من سمير يوسف الرئيس التنفيذي لقناة "سي بي سي" وزوج الاعلامية منى الشاذلي، حسبما تداولت مواقع السوشيال ميديا.

وقالت "الشربيني" في "لايف" عبر حسابها الشخصي بموقع التواصل الاجتماعي "فيسبوك": "الحقيقة إن أنا داخلة في السنة الخامسة من برنامج "هي وبس" وبيطلع عليا إشاعات كتير مرة اتجوزت 13 و14 مرة، ومرة من فلان وعلان، وبقالي 5 سنين بسمع كلام مش محترم ومش مظبوط، وكل أسبوع أو كل شهر بيطلع عليه إشاعات، وكل الحاجات اللى مرت بيها ساكتة خالص، مهما حصل، وما كنتش بتكلم لأن ربنا موجود وهيبين الحقائق، واللى عايز يحبنى أو يعرف عني حاجة كويسة هو حر".

وأوضحت رضوى أنها هناك شائعة ليس تخصها فقط بل تخص صديقة لها، وهذة هي المرة الثانية التي تنالها شائعات الزواج فقد سبق منذ فترة وقال عنها البعض بأنها في علاقة عاطفية بشخص مغربي: "دلوقتى لسه طالعة من الاستديو بنفس المكياج طلعت إشاعة غريبة، مش عارفة اتقالت ليه، أو يمكن عارفة اتقالت ليه في التوقيت ده بالذات".

وأشارت رضوى إلى أنها ليست مرتبطة بشخص ما وفي حال حدوث ذلك سوف تعلن للجميع كونها لم تفعل شيئا خاطئ أو منبوذا، وليست المرأة التي تفعل شيئاً في الخفاء، معلقة: "أنا بجحة كفاية أوي إن أي حاجة أعملها أطلع أقول إني بعملها، لأن الجواز مش عيب وبقول كده في برنامجي على طول اتجوزوا بس اختاروا صح".

https://www.facebook.com/RadwaSherbiny/videos/417296722973137/

وتابعت رضوى أن هناك شخص هو السبب في نشر تلك الشائعة حيث وصفته بأنه غير محترم موجه له رسالة قوية ترد على فعله الخاطئ :" لو أنت ما بتحبنيش طلع إشاعة بس ما تضرش عيلة ملهاش أي ذنب، ما تضرش راجل محترم أو ست محترم ملهمش أى ذنب غير أن الناس دي أخواتي فعلاً".

وواصلت حديثها عن شائعة زواجها: "هناك بعض من النساء يقبلن أن يتزوجن من رجل متزوج وهي حرة في حياتها، لكنها ترفض ذلك المبدأ، فبقول للأستاذ فلان الفلاني دي جات فاول منك OUT لأن كل الناس تعرف من هي رضوى الشربيني اللى بتقول لكل واحدة ست حرام عليكى تكسري قلب ست متجوزة".

وأوضحت: "أنا رديت النهارده علشان الإشاعة المرة دي ما تخصنيش لوحدى، لكن تخص عيلتي التانية، وناس ليها أفضال عليا من ساسى لراسى، وطلعت أديلهم حقهم، وأقولهم حقكوا عليا أنا، وأنا بعتذرلهم حقيقي بالنيابة عن هذا الشخص الغير محترم وحقكوا على راسى".

وأكملت رضوى: "أنا ست مش مرتبطة، بربي بناتي وبشوف شغلي وبشوف مشاكل الستات، واللى بنقدر نحله بنحله، واللى مش بنقدر عليه بندعي ربنا أنه يحله، ولما ارتبط مش مصر هتعرف الوطن العربي كله هيعرف، ومش هتكلم تاني اكتر من كده علشان ما اديش الحاجة اكبر من حجمها".

وعن سبب ردها قالت: "طلعت رديت لأني رد الحق للناس المحترمة واجب، ولأنى لاقيت وأنا جاية في العربية بعض التعليقات اللى زي ما يكون الناس كانت مستنية أو ما بتصدق، أو أنا مش عارفة.. ليه لما يتقال عليها – الناس اللى بيطلق عليهم مشاهير- حاجة حلوة مش بتتصدق، ولما بيتقال حاجة مش كويسة، بتتصدق وتجري كده، ربنا يهدي الجميع، ويهدي الشخص اللى فكر يكتب الكلمتين دول، بردو أنا مسامحاك لأني عارفة أنت عامل كده ليه، وواخد من مين علشان تكتب كده، وحياة ربنا، وربنا ما تصدقوش كل حاجة بتتقال، ما تصدقوش كل إشاعة، ما تصدقوش كل كلمتين، علشان احنا بني ادمين، وعندنا اهل وعيال بيضايقوا علينا، وسمعة، احنا يقال علينا مشاهير، بس بنزعل وعندنا ناس بتزعل عليهان ربنا يهدي الجميع، دول كلمتين طلعت اقولهم في حق ناس جزمتهم على راسى".

وأنهت كلامها بقولها: "لو رضوي الشربيني بتحب هتقول وهاخد رأيكوا زي ما خدتوا رأيي، زي ما بعمل من 4 أو 5 سنين".

WhatsApp
Telegram
إقرأ أيضاً