فاجأ الفنان تامر حسني، الطفل يوسف أحد المعجبين، بزيارة خاصة في منزله بعدما تمنى لقاءه وبالفعل لبى أمنيته، حيث كشفت سارة صدقي، والدة الطفل عن كواليس هذه الزيارة مؤكدة أنها كانت مفاجأة لها ولابنها.
وكتبت سارة عبر حسابها الرسمي موقع التواصل الاجتماعي 'فيس بوك': أنا مامت يويو، أيوه تامر حسني كان عندنا في البيت، أيوه.. مفاجأة ومكناش نعرف.. أنا حابه أوصلك بس اد ايه انا ممتنه، واد ايه الزياره دي فرقت مع ابني لأنك مش بس مطربه المفضل، هو بجد بيحبك قوي وكان نفسه يقابلك'.
كواليس زيارة تامر حسني للطفل يوسف
وأوضحت سارة أنها طلبت من إحدى صديقاتها أن تزور تامر حسنى في المكان الذي يحدده: 'وطلبت من صديقتي ياسمين فعلا تقولك احنا مستعدين نجيلك ٥ دقائق في اي مكان تكون متواجد فيه، أو حتى تسجله فيديو، وكانت المفاجأه للكل، إنك قررت تجيله وطلبت منها متقوليش'.
كواليس زيارة تامر حسني للطفل يوسف
وأشارت سارة صدقي إلى أن: 'تامر مش بس جه وقابل يوسف، لأ هو قضا وقت معاه يتكلموا ويلعبوا ويغنوا ونهزر كلنا مع بعض، كل الشكر والتقدير للإنسان اللي جواك، للأب اللي فكر بس في إسعاد طفل ميعرفوش، للفنان اللي عنده مسئولية انه يكون قدوة وصورة مشرفة لكل معجبيه'.
كواليس زيارة تامر حسني للطفل يوسف
واختتمت والدة الطفل يوسف حديثها موجهة رسالة لباقي الفنانين:' يا رب ناس كتير تتعلم منك .. حاجه بسيطه يمكن بالنسبة لك، لكن تأثيرها كبير قوي عندك غيرك، شكراً لصديقتي اللي كانت سبب في المفاجأه الجميله دي، مهما قلت لك انتي عملتي ايه مش هتستوعبي بحبك يا خربوطلي قوي قوي'.
كواليس زيارة تامر حسني للطفل يوسف
تابعوا آخر أهل مصر على Google News
