يبدو أن الفنان محمد لم يوفق في الموسم الرمضاني الحالي لعام 2021، كون مسلسل 'موسى' الذي يعرض حاليا لم يلقى تفاعلا كبيرا من رواد السوشيال ميديا، على عكس مسلسل 'البرنس'، الذي عرض في رمضان الماضي، وهناك أعمال قوية استحوذت على عقول المشاهدين ونجحت في تحقيق أعلى نسب مشاهدة هذا العام، منها 'الاختيار 2'، و'القاهرة كابول' و'ملوك الجدعنة'.
وكتبت أحد الصفحات الفنية على موقع 'فيسبوك': 'أول مسلسل قررت إني مش هكمل متابعته مسلسل موسى، قبل أي حاجة ده مش تحيز، لكن فعلا أنا شفت 3 حلقات من المسلسل وله نقاط إيجابية، زي صورة البوستر اللي فعلا من أفضل الصور من مسلسلات رمضان السنة دي، ومعمولة بشكل مبهر من إيد المخرج محمد سلامة'.
وتابعت الصفحة: 'كمان محمد رمضان بيحاول يخرج عن المألوف لكل سنة، وده شئ كويس لكن اللي فصلني إن مفيش حاجة على مستوى الأحداث جذابة، وغير كدة المونولوج الدرامي الطويل اللى بيدور بين الشخصيات أكتر من الأحداث ذات نفسها، وغير كدة إيقاع الحلقة بيبقى طويل وده بيخليه يقع فى الفخ ده، وعشان أكون حقاني مقررتش بشكل كامل ألغيه ولكن هأجل مشاهدة المسلسل بعد رمضان لو عرفت إنه بقى أفضل فيما بعد'
.
عرض مسلسل موسى
مواعيد عرض مسلسل موسى 6:30 مساء
مواعيد اعادة عرض مسلسل موسى 11:30 مساء - 11:00 صباحا
مسلسل موسى
مسلسل موسى من إخراج محمد سلامة، وتأليف ناصر عبد الرحمن، ويشارك تارا ورمضان في بطولته كل من سمية الخشاب، عبير صبري، رياض الخولي، منذر ريحانة، سيد رجب، صبري فواز، فريدة سيف النصر وهبة مجدي.
تابعوا آخر أهل مصر على Google News
