أثارت الفنانة حلا شيحة، جدلًا كبيرًا في الوسط الفني، بعد مهاجمتها للفنان تامر حسني، وفيلمه الجديد الذي شاركت بنفسها فيه 'مش أنا'، متبرأة منه، ومن الفن، ليخرج عدد كبير من الفنانين وصناع السينما في مصر للرد عليها.
وخلال السطور التالية نرصد رد فعل الفنانين على ما كتبته حلا شيحة:
ماندو العدل: لما تطلقي مترجعيش تقولي عايزة أمثل تاني
كتب المخرج ماندو العدل، عبر صفحته الشخصية بموقع التواصل الاجتماعي 'فيسبوك'، قال: 'نداء للفنانة حلا شيحة لما تيجي تتطلقي ماترجعيش تقولي عايزة أمثل تاني'.
سلوى محمد علي: جوزك مالهوش أمان عاوز يحقق تارجت في الستات
وخرج الفنانة سلوى محمد علي وكتبت عبر صفحتها على موقع 'فيسبوك'، قائلة: 'الرجالة مالهومش أمان، خصوصا زوجك اللي عنده تارجت عايز يحققه في الستات، يفضل للست كاريرها والزملاء، انتي راهنتي غلط يا حبيبتي'.
محمد العدل: رجعي الفلوس الحرام
ومن جانبه، علق المخرج والمنتج محمد العدل، وكتب عبر صفحاته أيضًا: ' لو اللي انتي عملتيه حرام، هتصرفي فلوس حرام...رجعي الفلوس'.
أحمد الشامي: ده أكل عيش
وهاجم المطرب أحمد الشامي، الفنانة حلا شيحة أيضًا، وكتب في تغريدة عبر صفحته الشخصية بموقع التدوينات القصيرة 'تويتر': 'والله أنا مبسوط من كل الردود أن الناس فاهمة، أن كل ده أكل عيش، وأن لو الشهرة فتنة وهي مقتنعة كانت هي بنفسها قفلت كل السوشيال ميديا، ووقفت كلام مع صحافة'.
راندا البحيري: هم يضحك
وكتبت راندا البحيري عبر صفحتها الشخصية بموقع التواصل الاجتماعي 'فيس بوك'، قائلة: “هو محدش فهمها أن اللي بتعمله ده ممكن يعرضها للمساءلة القانونية، وأنها بتضر بسمعة فيلم وبالتالي إيراداته؟.. بتتكلم عن ممثل ونجم بحجم تامر حسني بالشكل ده أكنها أحسن منه، وإحنا كلنا عارفين الخير اللي بيعمله تامر طول عمره، في الخفاء وفي العلن على إيدينا كلنا، فضله على ناس كتير أوي، وربنا جعله سبب لفتح بيوت قد كده، وهي تنصحه، لا والله هم يضحك.. هو محدش قال لحلا إن باب التوبة مش على إنستجرام'.
وفاء صادق.. راجعه راجعه
ومن جانبها، ردت الفنانة وفاء صادق قائلة: 'المشكلة مش في البوست اللي كتبته حلا، ولا في ردها، انما المشكلة لما ترجع الفن هتشغلوها تاني، بعد ما قالت إن الفن حرام، أصلها راجعة راجعة'.
منة فضالي: تناقض ديني وتناقض في كل حاجة
وعلقت منة فضالي على أزمة حلا شيحة قائلة: 'تناقض ديني وتناقض في كل حاجة'.
إلهام شاهين: هي سابت الفن أصلًا وكل واحد حر
وصرحت الفنانة إلهام شاهين، خلال حوار صحفي لها، وقالت: 'كل واحد حر يعمل اللي هو عايزه، هي عندها قناعات وأفكار معينة وسابت الفن أصلا'.
تابعوا آخر أهل مصر على Google News
