كشفت الفنانة رنا سماحة عبر حسابها الشخصي على موقع تبادل الصور والفيديوهات الشهير إنستجرام، عن حقيقة انفصالها عن زوجها الملحن سامر ابو طالب، بعد الأنباء التي انتشرت مؤخراً حول هذا الأمر، خاصة بعدما ألغت متابعته على مواقع التواصل الإجتماعي وحذفت صورهما سويا.
حقيقة انفصال رنا سماحة
وقالت رنا سماحة عبر انستجرام:'عذراً أيها الـ trend فلدي ما هو أغلى من كنوز العالم ..( اتعلمت في بيت أهلي) أن العلاقه بين الراجل والست أمانة مينفعش تطلع برة البيت، خطيبتك، مراتك، طليقتك، اياً كان الامانة دي ولاد الأصول بس اللى بيعرفوا يصونوها وميفشوش أسرارها، ولاد الاصول بس اللي مبيكذبوش ولا بيتدعوا على بعض بالباطل، ولاد الأصول مبيقذفوش المحصنات ((كبيره من الكبائر ).
وأضافت قائلة:'ولاد الأصول بس اللى مبيخونوش الأمانة، ولاد الأصول بس مبيفجروش في الخصام، ولاد الأصول مش محتاجين يستعطفوا حد ولا محتاجين يتدعوا المثاليه بيسيبوا أخلاقهم تتكلم عنهم، ومبيتكلموش هم عنها، ولاد الأصول مبيلقحوش على بعض مبيجيبوش سيرة بعض غير بالخير، ولاد الأصول بيعاشروا بالمعروف وبيفارقوا بالإحسان، ومبينسوش الفضل بينهم، ده اللى ربنا أمرنا بيه ده اللي أهالينا ربونا عليه، ده اللي الإنسانية بتقوله'.
وتابعت رنا سماحة:' اي حاجة غير كده تبقى عدم تربية ..قلة دين .. إنعدام أخلاق، انعدام الأخلاق ده مينفعش نزينه ونقول اوه ترند، في داهية الترند الي ينسينا اخلاقنا وتربيتنا واصولنا، الانسان بيعيش حياته وبيمشي (رحلة)، مش هيفضل منها غير سيرتك واعمالك الطيبه وكلمتك الي بتتصدق بيها، سيبوا الخير وانتوا ماشيين عشان الناس تدعيلكم بدل ما يدعوا عليكم'.
وأختتمت:'أجعل من يراك يدعو لمن رباك بطلب من أي حد هيكلمني عشان يعرف اي تفاصيل تخص حياتي الخاصة يوفر على نفسه وميكلمنيش ميهمنيش السبق الصحفي، ولا الشو الإعلامي ولا الأكثر بحثاً غير في شغلي فقط في الخير والفرحه وبس، عاهدت نفسي وأهلي والناس اللي بحبهم إني أكون خير قدوة، وعاهدت أبني اللي عيني لسه مشافتوش إني أربيه على الأصول والاحترام والرقي، عاهدته إني أربيه يبقى (راجل)، فمتستنوش مني ما يفعله الأخرون، مش عايزه أبقى ترند'.
تابعوا آخر أهل مصر على Google News
